mere KHuda kisi surat use mila mujhse

mire ḳhudā kisī sūrat use milā mujh se

mire vajūd kā hissa na rakh judā mujh se

vo nā-samajh mujhe patthar samajh ke chhoḌ gayā

vo chāhtā to sitāre tarāshtā mujh se

us ek ḳhat ne suḳhnavar banā diyā mujh ko

vo ek ḳhat ki jo likkhā nahīñ gayā mujh se

use hī saath gavārā na thā mirā varna

kise majāl koī us ko chhīntā mujh se

abhī visāl ke zaḳhmoñ se ḳhuun ristā hai

abhī ḳhafā hai mohabbat kā devtā mujh se

hai aarzū ki palaT jā.ūñ āsmāñ kī taraf

mizāj ahl-e-zamīñ kā nahīñ milā mujh se

ḳhatā ke ba.ad ajab kashmakash rahī 'shāhid'

ḳhatā se maiñ rahā sharminda aur ḳhatā mujh se

mere KHuda kisi surat use mila mujh se

mere wajud ka hissa na rakh juda mujh se

wo na-samajh mujhe patthar samajh ke chhoD gaya

wo chahta to sitare tarashta mujh se

us ek KHat ne suKHnawar bana diya mujh ko

wo ek KHat ki jo likkha nahin gaya mujh se

use hi sath gawara na tha mera warna

kise majal koi us ko chhinta mujh se

abhi visal ke zaKHmon se KHun rista hai

abhi KHafa hai mohabbat ka dewta mujh se

hai aarzu ki palaT jaun aasman ki taraf

mizaj ahl-e-zamin ka nahin mila mujh se

KHata ke baad ajab kashmakash rahi 'shahid'

KHata se main raha sharminda aur KHata mujh se