mere safar ko kabhi yun bhi motabar kar de
mire safar ko kabhī yuuñ bhī mo'tabar kar de
ki rah-guzar meñ mujhe gard-e-rah-guzar kar de
makān-e-jism se be-daḳhl kar mujhe maulā
phir is ke baa'd mirī be-gharī ko ghar kar de
mire 'aqab meñ bhī fir'aun ke sipāhī haiñ
mire bhī vāste dariyā meñ rah-guzar kar de
mujhe bulandī-e-fan se navāzne vaale
mire 'adū kī samā'at ko mo'tabar kar de
falak ke ḳhvāb bahut dekhne lagā 'be-dil'
koī ise bhī kisī din zamīñ-badar kar de
mere safar ko kabhi yun bhi mo'tabar kar de
ki rah-guzar mein mujhe gard-e-rah-guzar kar de
makan-e-jism se be-daKHl kar mujhe maula
phir is ke ba'd meri be-ghari ko ghar kar de
mere 'aqab mein bhi fir'aun ke sipahi hain
mere bhi waste dariya mein rah-guzar kar de
mujhe bulandi-e-fan se nawazne wale
mere 'adu ki sama'at ko mo'tabar kar de
falak ke KHwab bahut dekhne laga 'be-dil'
koi ise bhi kisi din zamin-badar kar de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
