meri zamin pe lagi aap ke nagar mein lagi

Fatima Hasan

meri zamin pe lagi aap ke nagar mein lagi

Fatima Hasan

MORE BY Fatima Hasan

    mirī zamīñ pe lagī aap ke nagar meñ lagī

    lagī hai aag jahāñ bhī kisī ke ghar meñ lagī

    ajiib raqs ki vahshat taal hai jis meñ

    ajiib taal jo aaseb ke asar meñ lagī

    kivāḌ band kahāñ muntazir the aahaT ke

    lagī jo der to dahlīz tak safar meñ lagī

    tamām ḳhvāb the vābasta us ke hone se

    so merī aañkh bhī bas sāya-e-shajar meñ lagī

    hisār-e-zāt nahīñ thā tilism-e-ishq thā vo

    ḳhabar huī to magar der is ḳhabar meñ lagī

    dahakte rañg the jo āsmān chhūte the

    khile the phuul ki ik aag shajar meñ lagī

    adhūre lafz the āvāz ġhair-vāzeh thī

    duā ko phir bhī nahīñ der kuchh asar meñ lagī

    palaT ke dekhā to bas hijrateñ thiiñ dāman meñ

    agarche umr yahāñ ik guzar-basar meñ lagī

    parind lauT kar aa.e the kin zamīnoñ se

    kahāñ dhuul thī jo un ke bāl-o-par meñ lagī

    meri zamin pe lagi aap ke nagar mein lagi

    lagi hai aag jahan bhi kisi ke ghar mein lagi

    ajib raqs ki wahshat ki tal hai jis mein

    ajib tal jo aaseb ke asar mein lagi

    kiwaD band kahan muntazir the aahaT ke

    lagi jo der to dahliz tak safar mein lagi

    tamam KHwab the wabasta us ke hone se

    so meri aankh bhi bas saya-e-shajar mein lagi

    hisar-e-zat nahin tha tilism-e-ishq tha wo

    KHabar hui to magar der is KHabar mein lagi

    dahakte rang the jo aasman chhute the

    khile the phul ki ek aag si shajar mein lagi

    adhure lafz the aawaz ghair-wazeh thi

    dua ko phir bhi nahin der kuchh asar mein lagi

    palaT ke dekha to bas hijraten thin daman mein

    agarche umr yahan ek guzar-basar mein lagi

    parind lauT kar aae the kin zaminon se

    kahan ki dhul thi jo un ke baal-o-par mein lagi

    Videos
    This video is playing from YouTube

    Videos
    This video is playing from YouTube

    Fatima Hasan

    Fatima Hasan

    RECITATIONS

    Fatima Hasan

    Fatima Hasan

    Fatima Hasan

    meri zamin pe lagi aap ke nagar mein lagi Fatima Hasan

    Source:

    • Book: yadain bhi ab khwab hoin (Pg. 80)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites