ek tu hi nahin nasiya-farsa mere aage
ek tu hi nahin nasiya-farsa mere aage
Muzaffar Ahmad Muzaffar
MORE BYMuzaffar Ahmad Muzaffar
ik tū hī nahīñ nāsiya-farsā mire aage
har shaḳhs hai mahrūm-e-tamannā mire aage
ai ziist tujhe yaad haiñ andāz-e-junūñ-ḳhez
jab zarra-e-sahrā bhī thā sahrā mire aage
vo daur ki dariyā bhī thā ik qatrā-e-be-āb
ab qatra-e-be-āb hai dariyā mire aage
ai dāvar-e-mahshar vo ghaḌī yaad hai tujh ko
jab laayā gayā merā sarāpā mire aage
rotā hai mirā jazba-e-dil dekh ke majnūñ
be-parda chalī aatī hai lailā mire aage
likkhā hai tirā naam samundar pe havā ne
ai dost na kar us kā yuuñ charchā mire aage
yūsuf to hai kan.ān meñ pāband-e-salāsil
shīshe meñ utartī hai zuleḳhā mere aage
ai aah agar chhoḌ duuñ maiñ zabt kā dāman
uḌne lage ḳhāk-e-ruḳh-e-sahrā mire aage
bulbul kā lahū kūcha-e-qātil meñ bahā yuuñ
jaise ho koī mauja-e-dariyā mire aage
afsos huā band sanam-ḳhāna-e-āzar
nāseh na sunā aa ke ye muzhda mire aage
vo fitna-e-mahshar hai magar mohr-ba-lab hai
jaise ho koī mom kī guḌiyā mire aage
zāhid ke liye khol de maiḳhāne kā dar aaj
bismil sā taḌaptā hai ye pyāsā mire aage
tāsīr na hotī jo mirī chashm-e-fusūñ meñ
shīshe sā na saaqī kabhī girtā mire aage
ḳhush-baḳht thā vo daur 'muzaffar' ki chaman meñ
TuuTā na kabhī shāḳh se ġhuncha mire aage
ek tu hi nahin nasiya-farsa mere aage
har shaKHs hai mahrum-e-tamanna mere aage
ai zist tujhe yaad hain andaz-e-junun-KHez
jab zarra-e-sahra bhi tha sahra mere aage
wo daur ki dariya bhi tha ek qatra-e-be-ab
ab qatra-e-be-ab hai dariya mere aage
ai dawar-e-mahshar wo ghaDi yaad hai tujh ko
jab laya gaya mera sarapa mere aage
rota hai mera jazba-e-dil dekh ke majnun
be-parda chali aati hai laila mere aage
likkha hai tera nam samundar pe hawa ne
ai dost na kar us ka yun charcha mere aage
yusuf to hai kanan mein paband-e-salasil
shishe mein utarti hai zuleKHa mere aage
ai aah agar chhoD dun main zabt ka daman
uDne lage KHak-e-ruKH-e-sahra mere aage
bulbul ka lahu kucha-e-qatil mein baha yun
jaise ho koi mauja-e-dariya mere aage
afsos hua band sanam-KHana-e-azar
naseh na suna aa ke ye muzhda mere aage
wo fitna-e-mahshar hai magar mohr-ba-lab hai
jaise ho koi mom ki guDiya mere aage
zahid ke liye khol de maiKHane ka dar aaj
bismil sa taDapta hai ye pyasa mere aage
tasir na hoti jo meri chashm-e-fusun mein
shishe sa na saqi kabhi girta mere aage
KHush-baKHt tha wo daur 'muzaffar' ki chaman mein
TuTa na kabhi shaKH se ghuncha mere aage
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
