mohabbat chahte ho kyun wafa kyun mangte ho

mohabbat chāhte ho kyuuñ vafā kyuuñ māñgte ho

tum un bīmār āñkhoñ se davā kyuuñ māñgte ho

musāfir ho to niklo paañv meñ āñkheñ lagā kar

kisī bhī ham-safar se rāsta kyuuñ māñgte ho

unheñ to ḳhud hī apnī jaan ke laale paḌe haiñ

bichāre shahr vāloñ se havā kyuuñ māñgte ho

abhī kuchh thā abhī kuchh hai badan āb-e-ravāñ sā

badan se āj-kal kā vāqi.a kyuuñ māñgte ho

hudūd-e-ḳhāk se bāhar nahīñ aa pā.egā husn

vo jitnā hai use us se sivā kyuuñ māñgte ho

hujūm-e-shahr meñ se tiir se nikle chale jaao

hujūm-e-shahr se us kī razā kyuuñ māñgte ho

mohabbat aap hī apnā sila hai 'farhat-ehsās'

mohabbat kar rahe ho to sila kyuuñ māñgte ho

mohabbat chahte ho kyun wafa kyun mangte ho

tum un bimar aankhon se dawa kyun mangte ho

musafir ho to niklo panw mein aankhen laga kar

kisi bhi ham-safar se rasta kyun mangte ho

unhen to KHud hi apni jaan ke lale paDe hain

bichaare shahr walon se hawa kyun mangte ho

abhi kuchh tha abhi kuchh hai badan aab-e-rawan sa

badan se aaj-kal ka waqia kyun mangte ho

hudud-e-KHak se bahar nahin aa paega husn

wo jitna hai use us se siwa kyun mangte ho

hujum-e-shahr mein se tir se nikle chale jao

hujum-e-shahr se us ki raza kyun mangte ho

mohabbat aap hi apna sila hai 'farhat-ehsas'

mohabbat kar rahe ho to sila kyun mangte ho