mohabbat ek samundar hai zara se dil ke andar hai

mohabbat ik samundar hai zarā se dil ke andar hai

zarā se dil ke andar hai magar puurā samundar hai

mohabbat raat kī raanī kā halkā sard jhoñkā hai

mohabbat titliyoñ kā gul ko chhū lene kā manzar hai

mohabbat bāġhbāñ ke haath kī miTTī ko kahte haiñ

ruḳh-e-gul ke mutābiq ḳhaak ye sone se behtar hai

jahān-e-nau jise mahbūb kī āñkhoñ kā hāsil ho

faqīh-e-ishq ke fatve kī rū se vo sikandar hai

mohabbat jū-e-shīr-e-kun mohabbat salsabīl-e-haq

mohabbat abr-e-rahmat hai mohabbat hauz-e-kausar hai

mohabbat chāñd ke hamrāh taare ginte rahnā hai

mohabbat shabnamī āñchal mohabbat dāman-e-tar hai

koī duniyā meñ na bhī ho pahuñch meñ hai mohabbat kī

badan se māvarā.ī hai mohabbat rūh-parvar hai

mohabbat hai ramī shak par mohabbat tauf-e-mahbūbī

safā marva ne samjhāyā mohabbat hajj-e-akbar hai

agar tum lauTnā chāho safīna us ko kar lenā

agar tum Dūbnā chāho mohabbat ik samundar hai

suno 'shahzād-qais' āḳhir sabhī kuchh miTne vaalā hai

magar ik zaat jo mushk-e-mohabbat se mo.attar hai

mohabbat ek samundar hai zara se dil ke andar hai

zara se dil ke andar hai magar pura samundar hai

mohabbat raat ki rani ka halka sard jhonka hai

mohabbat titliyon ka gul ko chhu lene ka manzar hai

mohabbat baghban ke hath ki miTTi ko kahte hain

ruKH-e-gul ke mutabiq KHak ye sone se behtar hai

jahan-e-nau jise mahbub ki aankhon ka hasil ho

faqih-e-ishq ke fatwe ki ru se wo sikandar hai

mohabbat ju-e-shir-e-kun mohabbat salsabil-e-haq

mohabbat abr-e-rahmat hai mohabbat hauz-e-kausar hai

mohabbat chand ke hamrah tare ginte rahna hai

mohabbat shabnami aanchal mohabbat daman-e-tar hai

koi duniya mein na bhi ho pahunch mein hai mohabbat ki

badan se mawarai hai mohabbat ruh-parwar hai

mohabbat hai rami shak par mohabbat tauf-e-mahbubi

safa marwa ne samjhaya mohabbat hajj-e-akbar hai

agar tum lauTna chaho safina us ko kar lena

agar tum Dubna chaho mohabbat ek samundar hai

suno 'shahzad-qais' aaKHir sabhi kuchh miTne wala hai

magar ek zat jo mushk-e-mohabbat se moattar hai