محبت کی فراوانی مبارک
تمہیں آنکھوں کی طغیانی مبارک
تمہارا چاند پورا ہو گیا ہے
تمہیں ٹھہرا ہوا پانی مبارک
اتر آیا ہے دل میں نور کوئی
تمہیں چہرے کی تابانی مبارک
کسی پر پھر یقیں کرنے لگے ہو
تمہیں پھر سے یہ نادانی مبارک
تم اپنی بات کہنا جانتے ہو
تمہیں لفظوں کی آسانی مبارک
تمہیں یہ شور و غل نیرنگ دنیا
ہمیں صحرا کی ویرانی مبارک
کوئی صورت مرتب ہو رہی ہے
خیالوں کی پریشانی مبارک
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
