aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab ye sochun to bhanwar zehn mein paD jate hain

Mohsin Naqvi

ab ye sochun to bhanwar zehn mein paD jate hain

Mohsin Naqvi

MORE BYMohsin Naqvi

    ab ye sochūñ to bhañvar zehn meñ paḌ jaate haiñ

    kaise chehre haiñ jo milte bichhaḌ jaate haiñ

    kyuuñ tire dard ko deñ tohmat-e-vīrānī-e-dil

    zalzaloñ meñ to bhare shahr ujaḌ jaate haiñ

    mausam-e-zard meñ ik dil ko bachā.ūñ kaise

    aisī rut meñ to ghane peḌ bhī jhaḌ jaate haiñ

    ab koī kyā mire qadmoñ ke nishāñ DhūñDegā

    tez āñdhī meñ to ḳheme bhī ukhaḌ jaate haiñ

    shaġhl-e-arbāb-e-hunar pūchhte kyā ho ki ye log

    pattharoñ meñ bhī kabhī aa.ine jaḌ jaatī haiñ

    soch aa.ina dhundlā ho to phir vaqt ke saath

    chāñd chehroñ ke ḳhad-o-ḳhāl bigaḌ jaate haiñ

    shiddat-e-ġham meñ bhī zinda huuñ to hairat kaisī

    kuchh diye tund havāoñ se bhī laḌ jaate haiñ

    vo bhī kyā log haiñ 'mohsin' jo vafā ḳhātir

    ḳhud-tarāshīda usūloñ pe bhī aḌ jaate haiñ

    ab ye sochun to bhanwar zehn mein paD jate hain

    kaise chehre hain jo milte hi bichhaD jate hain

    kyun tere dard ko den tohmat-e-virani-e-dil

    zalzalon mein to bhare shahr ujaD jate hain

    mausam-e-zard mein ek dil ko bachaun kaise

    aisi rut mein to ghane peD bhi jhaD jate hain

    ab koi kya mere qadmon ke nishan DhunDega

    tez aandhi mein to KHeme bhi ukhaD jate hain

    shaghl-e-arbab-e-hunar puchhte kya ho ki ye log

    pattharon mein bhi kabhi aaine jaD jati hain

    soch ka aaina dhundla ho to phir waqt ke sath

    chand chehron ke KHad-o-KHal bigaD jate hain

    shiddat-e-gham mein bhi zinda hun to hairat kaisi

    kuchh diye tund hawaon se bhi laD jate hain

    wo bhi kya log hain 'mohsin' jo wafa ki KHatir

    KHud-tarashida usulon pe bhi aD jate hain

    RECITATIONS

    Javed Naseem

    Javed Naseem,

    Javed Naseem

    MOHSIN NAQVI 3 Javed Naseem

    Source:

    Beesveen Sadi Ki Behtareen Ishqiya Ghazlen (Pg. 193)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now