muddat ke ba.ad aisī sunā.ī ḳhabar mujhe
maiñ nāma-bar ko dekhtā huuñ nāma-bar mujhe
mahfil pe apnī naaz tumheñ maut par mujhe
bas jaao ab na dekhnā kal se idhar mujhe
sau rāteñ ek hijr kī shab meñ tamām kiiñ
jab aañkh band kī nazar aa.ī sahar mujhe
saada varaq javāb meñ ik lā ke de gayā
dīvāna jāntā hai mirā nāma-bar mujhe
haañ thī kabhī tamīz siyāh-o-safed meñ
aur ab to jaisī shaam hai vaisī sahar mujhe
nāvak kamāñ meñ joḌ ke kahte haiñ naaz se
haañ kaun kaun kahtā hai bedād-gar mujhe
'manzar' ye shor-e-nauha ġham-e-naz.a meñ hai kyuuñ
nākāmiyoñ ko rote haiñ yā chāra-gar mujhe
muddat ke baad aisi sunai KHabar mujhe
main nama-bar ko dekhta hun nama-bar mujhe
mahfil pe apni naz tumhein maut par mujhe
bas jao ab na dekhna kal se idhar mujhe
sau raaten ek hijr ki shab mein tamam kin
jab aankh band ki nazar aai sahar mujhe
sada waraq jawab mein ek la ke de gaya
diwana jaanta hai mera nama-bar mujhe
han thi kabhi tamiz siyah-o-safed mein
aur ab to jaisi sham hai waisi sahar mujhe
nawak kaman mein joD ke kahte hain naz se
han kaun kaun kahta hai bedad-gar mujhe
'manzar' ye shor-e-nauha gham-e-naza mein hai kyun
nakaamiyon ko rote hain ya chaara-gar mujhe
Source:
ManzaristanáDeewan-e-Manzarâ (Pg. ebook-35 page-34)
-
Author:
Syed Jafar Husain Manzar Lakhnawi
-
- Edition: 1962
- Publisher: Shiri Tulshi Ram Vesh
- Year of Publication: 1962
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.