muddaton tak jo paDhaya kiya ustad mujhe
muddatoñ tak jo paḌhāyā kiyā ustād mujhe
ishq meñ bhuul gayā kuchh na rahā yaad mujhe
kyā maiñ dīvāna huuñ yā-rab ki sar-e-rāhguzar
duur se ghūrne lagte haiñ parī-zād mujhe
ab hai āvāz kī vo shaan na baazū kī uḌaan
aur sayyād kiye detā hai āzād mujhe
dād-ḳhvāhī ke liye aur to sāmāñ na milā
nāla-o-āh pe rakhnī paḌī buniyād mujhe
mere sheroñ pe vo sharmā.e to ahbāb hañse
ai 'hafīz' aaj ġhazal kī ye milī daad mujhe
muddaton tak jo paDhaya kiya ustad mujhe
ishq mein bhul gaya kuchh na raha yaad mujhe
kya main diwana hun ya-rab ki sar-e-rahguzar
dur se ghurne lagte hain pari-zad mujhe
ab hai aawaz ki wo shan na bazu ki uDan
aur sayyaad kiye deta hai aazad mujhe
dad-KHwahi ke liye aur to saman na mila
nala-o-ah pe rakhni paDi buniyaad mujhe
mere sheron pe wo sharmae to ahbab hanse
ai 'hafiz' aaj ghazal ki ye mili dad mujhe
Source:
Kulliyat-e-Hafeez Jalandhari (Pg. 215)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
