mughaalta hai uruj-o-zawal thoDi hai

muġhālta hai urūj-o-zavāl thoḌī hai

hamārī aañkh ke shīshe meñ baal thoḌī hai

hamāre dil meñ kabūtar namāz paḌhte haiñ

hamāre dil meñ ta.assub kā jaal thoḌī hai

labāda barf kā oḌhe hue hai jvālā-mukhī

zamīñ ke laave meñ ab ke ubaal thoḌī hai

haiñ ham husainī hameñ sar kaTānā aatā hai

hamāre paas yazīdāna-chāl thoḌī hai

mire habīb kī tamsīl DhūñDne vaalo

vo be-misāl hai us kī misāl thoḌī hai

har ek shāḳh se jaaḌe kī barf lipTī hai

abhī daraḳht pe pattoñ kī shaal thoḌī hai

ba-roz-e-īd bhī roze ke jaisī hālat hai

amīr-e-shahr se lekin savāl thoḌī hai

kamāl jitnā bhī hai aag ke badan meñ hai

dhuāñ dhuāñ hai dhueñ meñ kamāl thoḌī hai

azal se chāñd meñ charḳha chalā rahī hai magar

'navāz' ab bhī vo buḌhiyā niDhāl thoḌī hai

mughaalta hai uruj-o-zawal thoDi hai

hamari aankh ke shishe mein baal thoDi hai

hamare dil mein kabutar namaz paDhte hain

hamare dil mein tassub ka jal thoDi hai

labaada barf ka oDhe hue hai jwala-mukhi

zamin ke lawe mein ab ke ubaal thoDi hai

hain hum husaini hamein sar kaTana aata hai

hamare pas yazidana-chaal thoDi hai

mere habib ki tamsil DhunDne walo

wo be-misal hai us ki misal thoDi hai

har ek shaKH se jaDe ki barf lipTi hai

abhi daraKHt pe patton ki shaal thoDi hai

ba-roz-e-id bhi roze ke jaisi haalat hai

amir-e-shahr se lekin sawal thoDi hai

kamal jitna bhi hai aag ke badan mein hai

dhuan dhuan hai dhuen mein kamal thoDi hai

azal se chand mein charKHa chala rahi hai magar

'nawaz' ab bhi wo buDhiya niDhaal thoDi hai