muhit-e-KHwab se ek baad-e-tah-nashin ubhri

muhīt-e-ḳhvāb se ik bād-e-tah-nashīñ ubhrī

havā-e-sub.h se ik ġhurfa-e-ḳhayāl khulā

masām-e-jāñ meñ hai ik dast-e-āshnā kī mahak

ġhubār-e-dasht meñ raushan hai naqsh-e-pā kis kā

vo kaisī diid kī saa.at thī phir nahīñ aa.ī

vo kaisā ḳhvāb thā ik umr chashm-e-tar meñ rahā

jo intizār abad tak hai jism-o-jāñ ke firāq

jo ho sake to ab is raat ko abad se milā

bahut sambhāl ke rakkhī hai ḳhalvat-e-jāñ meñ

vo ek sham.a ki daur-e-tarab bujhā na sakā

muhit-e-KHwab se ek baad-e-tah-nashin ubhri

hawa-e-subh se ek ghurfa-e-KHayal khula

masam-e-jaan mein hai ek dast-e-ashna ki mahak

ghubar-e-dasht mein raushan hai naqsh-e-pa kis ka

wo kaisi did ki saat thi phir nahin aai

wo kaisa KHwab tha ek umr chashm-e-tar mein raha

jo intizar abad tak hai jism-o-jaan ke firaq

jo ho sake to ab is raat ko abad se mila

bahut sambhaal ke rakkhi hai KHalwat-e-jaan mein

wo ek shama ki daur-e-tarab bujha na saka