mujhko mara hai har ek dard o dawa se pahle

mujh ko maarā hai har ik dard o davā se pahle

dī sazā ishq ne har jurm-o-ḳhatā se pahle

ātish-e-ishq bhaḌaktī hai havā se pahle

hoñT julte haiñ mohabbat meñ duā se pahle

fitne barpā hue har ġhuncha-e-sar-basta se

khul gayā rāz-e-chaman chāk-e-qabā se pahle

chaal hai bāda-e-hastī kā chhalaktā huā jaam

ham kahāñ the tire naqsh-e-kaf-e-pā se pahle

ab kamī kyā hai tire be-sar-o-sāmānoñ ko

kuchh na thā terī qasam tark-e-vafā se pahle

ishq-e-bebāk ko da.ave the bahut ḳhalvat meñ

kho diyā saarā bharam sharm-o-hayā se pahle

ḳhud-baḳhud chaak hue pairahan-e-lāla-o-gul

chal ga.ī kaun havā bād-e-sabā se pahle

ham-safar rāh-e-adam meñ na ho tāroñ-bharī raat

ham pahuñch jā.eñge is ābla-pā se pahle

parda-e-sharm meñ sad-barq-e-tabassum ke nisār

hosh jaate rahe nairañg-e-hayā se pahle

maut ke naam se Darte the ham ai shauq-e-hayāt

tū ne to maar hī Daalā thā qazā se pahle

be-takalluf bhī tirā husn-e-ḳhud-ārā thā kabhī

ik adā aur bhī thī husn-e-adā se pahle

ġhaflateñ hastī-e-fānī kī batā deñgī tujhe

jo mirā haal thā ehsās-e-fanā se pahle

ham unheñ pā ke 'firāq' aur bhī kuchh kho.e ga.e

ye takalluf to na the ahd-e-vafā se pahle

mujh ko mara hai har ek dard o dawa se pahle

di saza ishq ne har jurm-o-KHata se pahle

aatish-e-ishq bhaDakti hai hawa se pahle

honT julte hain mohabbat mein dua se pahle

fitne barpa hue har ghuncha-e-sar-basta se

khul gaya raaz-e-chaman chaak-e-qaba se pahle

chaal hai baada-e-hasti ka chhalakta hua jam

hum kahan the tere naqsh-e-kaf-e-pa se pahle

ab kami kya hai tere be-sar-o-samanon ko

kuchh na tha teri qasam tark-e-wafa se pahle

ishq-e-bebak ko dawe the bahut KHalwat mein

kho diya sara bharam sharm-o-haya se pahle

KHud-baKHud chaak hue pairahan-e-lala-o-gul

chal gai kaun hawa baad-e-saba se pahle

ham-safar rah-e-adam mein na ho taron-bhari raat

hum pahunch jaenge is aabla-pa se pahle

parda-e-sharm mein sad-barq-e-tabassum ke nisar

hosh jate rahe nairang-e-haya se pahle

maut ke nam se Darte the hum ai shauq-e-hayat

tu ne to mar hi Dala tha qaza se pahle

be-takalluf bhi tera husn-e-KHud-ara tha kabhi

ek ada aur bhi thi husn-e-ada se pahle

ghaflaten hasti-e-fani ki bata dengi tujhe

jo mera haal tha ehsas-e-fana se pahle

hum unhen pa ke 'firaq' aur bhi kuchh khoe gae

ye takalluf to na the ahd-e-wafa se pahle