mujh qabr se yar kyunke jawe

mujh qabr se yaar kyūñke jaave

hai sham-e-mazār kyūñke jaave

rahtā hai raqīb nit tere sañg

chhātī kā pahāḌ kyūñke jaave

hairāñ hue bas-ki muñh terā dekh

gulshan se bahār kyūñke jaave

hai hijr kī raat sansanātī

nāgin se funkār kyūñke jaave

nit hai mirā kiina us ke dil meñ

patthar se sharār kyūñke jaave

kis vaj.h uThe vo muñh se ye dil

gulshan se hazār kyūñke jaave

gulzār ko fasl-e-gul meñ āshiq

pai lāla-e-dāġh-dār kyūñke jaave

hai bazm butoñ se shaiḳh mahrūm

jannat meñ himār kyūñke jaave

muñh se tere sarke zulf kis vaj.h

gulzār se maar kyūñke jaave

kyūñkar karūñ zabt-e-āh qātil

ghāyal se pukār kyūñke jaave

jiitā hai usī galī meñ 'uzlat'

jab jī diyā haar kyūñke jaave

mujh qabr se yar kyunke jawe

hai sham-e-mazar kyunke jawe

rahta hai raqib nit tere sang

chhati ka pahaD kyunke jawe

hairan hue bas-ki munh tera dekh

gulshan se bahaar kyunke jawe

hai hijr ki raat sansanati

nagin se funkar kyunke jawe

nit hai mera kina us ke dil mein

patthar se sharar kyunke jawe

kis wajh uThe wo munh se ye dil

gulshan se hazar kyunke jawe

gulzar ko fasl-e-gul mein aashiq

pai lala-e-dagh-dar kyunke jawe

hai bazm buton se shaiKH mahrum

jannat mein himar kyunke jawe

munh se tere sarke zulf kis wajh

gulzar se mar kyunke jawe

kyunkar karun zabt-e-ah qatil

ghayal se pukar kyunke jawe

jita hai usi gali mein 'uzlat'

jab ji diya haar kyunke jawe