muKhaalif jab se aaina hua hai
muḳhālif jab se ā.īna huā hai
mirā chehra hī kuchh badlā huā hai
use bhūle hue arsa huā hai
ye sach hai yā mujhe dhokā huā hai
koī khelā kisī ne toḌ Daalā
ye dil ke saath bhī kyā kyā huā hai
kināre lag gayā gustāḳh tinkā
samundar fikr meñ Duubā huā hai
simaTne kā bhī hai ab hosh kis ko
abhī raḳht-e-safar bikhrā huā hai
tumhāre faisle bhī tai-shuda the
hamārā jurm bhī sochā huā hai
mujhe raas aa ga.ī hai ajnabiyyat
har ik rishta mirā parkhā huā hai
nazar par dhuul kī parteñ jamī haiñ
tumhārā aks bhī dhuñdlā huā hai
chalo 'sālim' kahīñ gumrāh ho leñ
yahāñ har rāsta bhaTkā huā hai
muKHalif jab se aaina hua hai
mera chehra hi kuchh badla hua hai
use bhule hue arsa hua hai
ye sach hai ya mujhe dhoka hua hai
koi khela kisi ne toD Dala
ye dil ke sath bhi kya kya hua hai
kinare lag gaya gustaKH tinka
samundar fikr mein Duba hua hai
simaTne ka bhi hai ab hosh kis ko
abhi raKHt-e-safar bikhra hua hai
tumhaare faisle bhi tai-shuda the
hamara jurm bhi socha hua hai
mujhe ras aa gai hai ajnabiyyat
har ek rishta mera parkha hua hai
nazar par dhul ki parten jami hain
tumhaara aks bhi dhundla hua hai
chalo 'salim' kahin gumrah ho len
yahan har rasta bhaTka hua hai
Source:
Ghubar-e-Fikr (Pg. 46)
- Author: Salim Shuja Ansari
-
- Edition: 2014
- Publisher: Mishkat Printers, Aligarh
- Year of Publication: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
