munhadim hoti hui aabaadiyon mein fursat-e-yak-KHwab hote

Sarvat Husain

munhadim hoti hui aabaadiyon mein fursat-e-yak-KHwab hote

Sarvat Husain

MORE BYSarvat Husain

    munhadim hotī huī ābādiyoñ meñ fursat-e-yak-ḳhvāb hote

    ham bhī apne ḳhisht-zāroñ ke liye āsūdgī baab hote

    shahr-e-āzurda-fazā meñ ābgīnoñ ko ba-rū-e-kār laate

    shaam in ḳhānumāñ vīrāniyoñ meñ sohbat-e-ahbāb hote

    taaza o ġhamnāk rakhte aas aur ummīd sab koñpaloñ ko

    aur phir hamrāhī-e-bād-e-shabāna ke liye mahtāb hote

    ḳhud-kalāmī ke bhañvar meñ Dūbtī parchhā.īñ ban kar rah ga.e haiñ

    is añdherī raat meñ ghar se nikalte to sitāra-yāb hote

    ḳhāk-ālūda zamānoñ par barastī jhūmtī kaalī ghaTā.eñ

    mausamoñ āb-o-ḳhāk-ārā.iyoñ se aa.ine sairāb hote

    munhadim hoti hui aabaadiyon mein fursat-e-yak-KHwab hote

    hum bhi apne KHisht-zaron ke liye aasudgi ka bab hote

    shahr-e-azurda-faza mein aabginon ko ba-ru-e-kar late

    sham ki in KHanuman viraniyon mein sohbat-e-ahbab hote

    taza o ghamnak rakhte aas aur ummid ki sab konpalon ko

    aur phir hamrahi-e-baad-e-shabana ke liye mahtab hote

    KHud-kalami ke bhanwar mein Dubti parchhain ban kar rah gae hain

    is andheri raat mein ghar se nikalte to sitara-yab hote

    KHak-aluda zamanon par barasti jhumti kali ghaTaen

    mausamon ki aab-o-KHak-araiyon se aaine sairab hote

    Source :
    • Book : Azkar (Pg. 128)
    • Author : Amjad Hussain Hafiz Karnataki
    • Publication : Karnataka Urdu Academy (issue:23 April,May,June-2013)
    • Edition : issue:23 April,May,June-2013
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now