aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

muqable to ghalat-fahmiyan baDhate hain

Muzaffar Razmi

muqable to ghalat-fahmiyan baDhate hain

Muzaffar Razmi

MORE BYMuzaffar Razmi

    muqāble to ġhalat-fahmiyāñ baḌhāte haiñ

    ye valvale to ġhalat-fahmiyāñ baḌhāte haiñ

    qarīb aao to shāyad samajh meñ aa jaa.e

    ki fāsle to ġhalat-fahmiyāñ baḌhāte haiñ

    hai mere saath mire dushmanoñ se rabt unheñ

    ye silsile to ġhalat-fahmiyāñ baḌhāte haiñ

    agar hai koī shikāyat to mil ke baat karo

    murāsile to ġhalat-fahmiyāñ baḌhāte haiñ

    kisī ne qatl kiyā aur sazā kisī ko milī

    ye faisle to ġhalat-fahmiyāñ baḌhāte haiñ

    jo rahzanoñ ta.āvun qubūl karte haiñ

    vo qāfile to ġhalat-fahmiyāñ baḌhāte haiñ

    tanāze.āt meñ behtar hai sulh kar lenā

    na.e gile to ġhalat-fahmiyāñ baḌhāte haiñ

    ye laġhzishoñ tasalsul ye māzarat paiham

    ye marhale to ġhalat-fahmiyāñ baḌhāte haiñ

    charāġh-e-haq haiñ to ḳhāmosh kyuuñ haiñ vo 'razmī'

    binā jale to ġhalat-fahmiyāñ baḌhāte haiñ

    muqable to ghalat-fahmiyan baDhate hain

    ye walwale to ghalat-fahmiyan baDhate hain

    qarib aao to shayad samajh mein aa jae

    ki fasle to ghalat-fahmiyan baDhate hain

    hai mere sath mere dushmanon se rabt unhen

    ye silsile to ghalat-fahmiyan baDhate hain

    agar hai koi shikayat to mil ke baat karo

    murasile to ghalat-fahmiyan baDhate hain

    kisi ne qatl kiya aur saza kisi ko mili

    ye faisle to ghalat-fahmiyan baDhate hain

    jo rahzanon ka taawun qubul karte hain

    wo qafile to ghalat-fahmiyan baDhate hain

    tanazeat mein behtar hai sulh kar lena

    nae gile to ghalat-fahmiyan baDhate hain

    ye laghzishon ka tasalsul ye mazarat paiham

    ye marhale to ghalat-fahmiyan baDhate hain

    charagh-e-haq hain to KHamosh kyun hain wo 'razmi'

    bina jale to ghalat-fahmiyan baDhate hain

    RECITATIONS

    Nomaan Shauque

    Nomaan Shauque,

    Nomaan Shauque

    muqable to ghalat-fahmiyan baDhate hain Nomaan Shauque

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now