musalsal ro raha hun phir bhi kyon rone se Darta hun

musalsal ro rahā huuñ phir bhī kyoñ rone se Dartā huuñ

jise paayā nahīñ ab tak use khone se Dartā huuñ

bahut zarḳhez hai dil kī zamīñ ma.alūm hai lekin

vafā ke biij is miTTī meñ phir bone se Dartā huuñ

sunahrā ḳhvāb ban kar ik azaab āñkhoñ pe utrā thā

zamāna ho gayā par aaj bhī sone se Dartā huuñ

maiñ jis kashtī meñ baiThā us ko sāhil ne Duboyā hai

kisī shāne pe apnā bojh ab Dhone se Dartā huuñ

mujhe jis ne bhī apnāyā vo mujh se kho gayā 'kāshif'

tire nazdīk rah kar bhī tirā hone se Dartā huuñ

musalsal ro raha hun phir bhi kyon rone se Darta hun

jise paya nahin ab tak use khone se Darta hun

bahut zarKHez hai dil ki zamin malum hai lekin

wafa ke bij is miTTi mein phir bone se Darta hun

sunahra KHwab ban kar ek azab aankhon pe utra tha

zamana ho gaya par aaj bhi sone se Darta hun

main jis kashti mein baiTha us ko sahil ne Duboya hai

kisi shane pe apna bojh ab Dhone se Darta hun

mujhe jis ne bhi apnaya wo mujh se kho gaya 'kashif'

tere nazdik rah kar bhi tera hone se Darta hun