aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mutmain apne yaqin par agar insan ho jae

Ahsan Marahravi

mutmain apne yaqin par agar insan ho jae

Ahsan Marahravi

MORE BYAhsan Marahravi

    mutma.in apne yaqīñ par agar insāñ ho jaa.e

    sau hijāboñ meñ jo pinhāñ hai numāyāñ ho jaa.e

    is tarah qurb tirā aur bhī āsāñ ho jaa.e

    merā ek ek nafas kaash rag-e-jāñ ho jaa.e

    vo kabhī sehn-e-chaman meñ jo ḳhirāmāñ ho jaa.e

    ġhuncha bālīda ho itnā ki gulistāñ ho jaa.e

    ishq koī natīja to ho achchhā ki burā

    ziist mushkil hai to marnā mirā āsāñ ho jaa.e

    jaan le naaz agar martaba-e-ijz-o-niyāz

    husn sau jaan se ḳhud ishq ḳhvāhāñ ho jaa.e

    mere dam se hai ābād junūñ-ḳhāna-e-ishq

    maiñ na huuñ qaid to barbādi-e-zindāñ ho jaa.e

    hai tire husn nazzāra vo hairat-afzā

    dekh le chashm-e-tasavvur bhī to hairāñ ho jaa.e

    diid ho baat na ho aañkh mile dil na mile

    ek din koī to puurā mirā armāñ ho jaa.e

    maiñ agar ashk-e-nidāmat ke javāhir bhar luuñ

    tosha-e-hashr mirā gosha-e-dāmāñ ho jaa.e

    le ke dil tark-e-jafā par nahīñ raazī to mujhe

    hai ye manzūr ki vo jaan ḳhvāhāñ ho jaa.e

    apnī mahfil meñ biThā lo na suno kuchh na kaho

    kam se kam ek din 'ahsan' pe ye ehsāñ ho jaa.e

    mutmain apne yaqin par agar insan ho jae

    sau hijabon mein jo pinhan hai numayan ho jae

    is tarah qurb tera aur bhi aasan ho jae

    mera ek ek nafas kash rag-e-jaan ho jae

    wo kabhi sehn-e-chaman mein jo KHiraman ho jae

    ghuncha baalida ho itna ki gulistan ho jae

    ishq ka koi natija to ho achchha ki bura

    zist mushkil hai to marna mera aasan ho jae

    jaan le naz agar martaba-e-ijz-o-niyaz

    husn sau jaan se KHud ishq ka KHwahan ho jae

    mere hi dam se hai aabaad junun-KHana-e-ishq

    main na hun qaid to barbaadi-e-zindan ho jae

    hai tere husn ka nazzara wo hairat-afza

    dekh le chashm-e-tasawwur bhi to hairan ho jae

    did ho baat na ho aankh mile dil na mile

    ek din koi to pura mera arman ho jae

    main agar ashk-e-nidamat ke jawahir bhar lun

    tosha-e-hashr mera gosha-e-daman ho jae

    le ke dil tark-e-jafa par nahin raazi to mujhe

    hai ye manzur ki wo jaan ka KHwahan ho jae

    apni mahfil mein biTha lo na suno kuchh na kaho

    kam se kam ek din 'ahsan' pe ye ehsan ho jae

    RECITATIONS

    Nomaan Shauque

    Nomaan Shauque,

    Nomaan Shauque

    mutmain apne yaqin par agar insan ho jae Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now