musa hain hamin jalwa-e-didar hamin hain

muusā haiñ hamīñ jalva-e-dīdār hamīñ haiñ

haiñ tuur hamīñ nuur hamīñ naar hamīñ haiñ

kāfir jise kahte haiñ hamīñ se hai ishāra

momin hai ġharaz jis se vo dīñ-dār hamīñ haiñ

firdaus agar hai to hamāre hī liye hai

dozaḳh ke agar haiñ to sazā-vār hamīñ haiñ

nasūt jo maskan hai to lāhūt ghar apnā

ḳhalvat meñ hamīñ bar-sar-e-bāzār hamīñ haiñ

nāqūs kī āvāz hamārī hī sadā hai

takbīr ke alfāz meñ har baar hamīñ haiñ

'akbar' jo hai masjūd-e-do-ālam vo vahī hai

sajde ke agar haiñ to sazā-vār hamīñ haiñ

musa hain hamin jalwa-e-didar hamin hain

hain tur hamin nur hamin nar hamin hain

kafir jise kahte hain hamin se hai ishaara

momin hai gharaz jis se wo din-dar hamin hain

firdaus agar hai to hamare hi liye hai

dozaKH ke agar hain to saza-war hamin hain

nasut jo maskan hai to lahut ghar apna

KHalwat mein hamin bar-sar-e-bazar hamin hain

naqus ki aawaz hamari hi sada hai

takbir ke alfaz mein har bar hamin hain

'akbar' jo hai masjud-e-do-alam wo wahi hai

sajde ke agar hain to saza-war hamin hain