na arman ban ke aate hain na hasrat ban ke aate hain
na armāñ ban ke aate haiñ na hasrat ban ke aate haiñ
shab-e-va.ada vo dil meñ dard-e-furqat ban ke aate haiñ
pareshāñ zulf muñh utrā huā mahjūb sī āñkheñ
vo bazm-e-ġhair se āshiq kī sūrat ban ke aate haiñ
bane haiñ shaiḳh-sāhib naql-e-majlis bazm-e-rindāñ meñ
jahāñ tashrīf le jaate haiñ hazrat ban ke aate haiñ
na rakhnā ham se kuchh matlab ye pahlī shart hai un kī
vo jis ke paas aate haiñ amānat ban ke aate haiñ
sitam kī ḳhvāhisheñ 'beḳhud' ġhazab kī ārzueñ haiñ
javānī ke ye din shāyad musībat ban ke aate haiñ
na arman ban ke aate hain na hasrat ban ke aate hain
shab-e-wada wo dil mein dard-e-furqat ban ke aate hain
pareshan zulf munh utra hua mahjub si aankhen
wo bazm-e-ghair se aashiq ki surat ban ke aate hain
bane hain shaiKH-sahib naql-e-majlis bazm-e-rindan mein
jahan tashrif le jate hain hazrat ban ke aate hain
na rakhna hum se kuchh matlab ye pahli shart hai un ki
wo jis ke pas aate hain amanat ban ke aate hain
sitam ki KHwahishen 'beKHud' ghazab ki aarzuen hain
jawani ke ye din shayad musibat ban ke aate hain
Source:
Intekhab-e-Sukhan(Jild-2) (Pg. 170)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
