na chheD zahid-e-nadan sharab pine de
na chheḌ zāhid-e-nādāñ sharāb piine de
sharāb piine de ḳhāna-ḳharāb piine de
abhī se apnī nasīhat kā zahr de na mujhe
abhī to piine de aur be-hisāb piine de
maiñ jāntā huuñ chhalaktā huā gunāh hai ye
tū is gunāh ko be-ehtisāb piine de
phir aisā vaqt kahāñ ham kahāñ sharāb kahāñ
tilism-e-dahr hai naqsh-e-bar-āb piine de
mire dimāġh kī duniyā kā āftāb hai ye
milā ke barf meñ ye āftāb piine de
kisī hasīna ke bosoñ ke qābil ab na rahe
to in laboñ se hamesha sharāb piine de
samajh ke us ko ġhafūr-ur-rahīm piitā huuñ
na chheḌ zikr-e-azāb-o-savāb piine de
jo ruuh ho chukī ik baar dāġh-dār mirī
to aur hone de lekin sharāb piine de
sharāb-ḳhāne meñ ye shor kyuuñ machāyā hai
ḳhamosh 'aḳhtar'-e-ḳhāna-ḳharāb piine de
na chheD zahid-e-nadan sharab pine de
sharab pine de KHana-KHarab pine de
abhi se apni nasihat ka zahr de na mujhe
abhi to pine de aur be-hisab pine de
main jaanta hun chhalakta hua gunah hai ye
tu is gunah ko be-ehtisab pine de
phir aisa waqt kahan hum kahan sharab kahan
tilism-e-dahr hai naqsh-e-bar-ab pine de
mere dimagh ki duniya ka aaftab hai ye
mila ke barf mein ye aaftab pine de
kisi hasina ke boson ke qabil ab na rahe
to in labon se hamesha sharab pine de
samajh ke us ko ghafur-ur-rahim pita hun
na chheD zikr-e-azab-o-sawab pine de
jo ruh ho chuki ek bar dagh-dar meri
to aur hone de lekin sharab pine de
sharab-KHane mein ye shor kyun machaya hai
KHamosh 'aKHtar'-e-KHana-KHarab pine de
Source:
Kulliyat-e-Akhtar Shirani (Pg. 261)
- Author: Akhtar Shirani
-
- Edition: 1997
- Publisher: Modern Publishing House, Daryaganj New delhi
- Year of Publication: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
