na darmiyan na kahin ibtida mein aaya hai

na darmiyāñ na kahīñ ibtidā meñ aayā hai

badal ke bhes mirī intihā meñ aayā hai

usī ke ruup kā charchā hai ab fazāoñ meñ

havā ke ruḳh ko palaT kar havā meñ aayā hai

kabhī jo tez huī lau to jagmagā uTThā

barahna thā jo kabhī ab qabā meñ aayā hai

mujhe hai phuul kī pattī sā ab bikhar jaanā

vo chhup-chhupā ke mirī hī ridā meñ aayā hai

asīr-e-zulf ko shāyad yahīñ rihā.ī hai

pukārtā huuñ jise vo sadā meñ aayā hai

nigal ga.ī hai tasavvur kī aañch aañch ise

koī vajūd kisī sāneha meñ aayā hai

maiñ chheḌtā huuñ samundar kī dhun meñ naġhmoñ ko

vahī jo raag dil-e-mutriba meñ aayā hai

usī ke sher sabhī aur usī ke afsāne

usī kī pyaas kā bādal ghaTā meñ aayā hai

na darmiyan na kahin ibtida mein aaya hai

badal ke bhes meri intiha mein aaya hai

usi ke rup ka charcha hai ab fazaon mein

hawa ke ruKH ko palaT kar hawa mein aaya hai

kabhi jo tez hui lau to jagmaga uTTha

barahna tha jo kabhi ab qaba mein aaya hai

mujhe hai phul ki patti sa ab bikhar jaana

wo chhup-chhupa ke meri hi rida mein aaya hai

asir-e-zulf ko shayad yahin rihai hai

pukarta hun jise wo sada mein aaya hai

nigal gai hai tasawwur ki aanch aanch ise

koi wajud kisi saneha mein aaya hai

main chheDta hun samundar ki dhun mein naghmon ko

wahi jo rag dil-e-mutriba mein aaya hai

usi ke sher sabhi aur usi ke afsane

usi ki pyas ka baadal ghaTa mein aaya hai