na falak hoga na ye kucha-e-qatil hoga

Mirza Altaf Husain Alim Lucknowi

na falak hoga na ye kucha-e-qatil hoga

Mirza Altaf Husain Alim Lucknowi

MORE BYMirza Altaf Husain Alim Lucknowi

    na falak hogā na ye kūcha-e-qātil hogā

    mire kahne meñ kisī din jo mirā dil hogā

    jab numāyāñ vo savār-e-rah-e-manzil hogā

    na to maiñ aap meñ hūñgā na mirā dil hogā

    aadhī raat aa ga.ī bas bas dil-e-betāb sambhal

    ham samajhte haiñ jo is karb hāsil hogā

    ruḳhsat ai vahshat-e-tanhā.ī-o-ġhurbat ruḳhsat

    ḳhauf kyā hai jo hamrāh mire dil hogā

    raat ḳhvāb nahīñ jis har ik de ta.abīr

    ye vo armān hai puurā jo ba-mushkil hogā

    terā kyā zikr hai zindāñ hilegī dīvār

    nāla-kash jab koī pāband-e-salāsil hogā

    Taal diiñ maiñ ne ye kah kah ke zideñ bachpan

    aa.ina bhī koī shai hai jo muqābil hogā

    Dūbne jā.egā shāyad koī māyūs visāl

    majma-e-ām sunā hai lab-e-sāhil hogā

    chaud.hvāñ saal use detā hai muzhda 'ālim'

    le mubārak ho ki ab mah-e-kāmil hogā

    na falak hoga na ye kucha-e-qatil hoga

    mere kahne mein kisi din jo mera dil hoga

    jab numayan wo sawar-e-rah-e-manzil hoga

    na to main aap mein hunga na mera dil hoga

    aadhi raat aa gai bas bas dil-e-betab sambhal

    hum samajhte hain jo is karb ka hasil hoga

    ruKHsat ai wahshat-e-tanhai-o-ghurbat ruKHsat

    KHauf hi kya hai jo hamrah mere dil hoga

    raat ka KHwab nahin jis ki har ek de tabir

    ye wo arman hai pura jo ba-mushkil hoga

    tera kya zikr hai zindan ki hilegi diwar

    nala-kash jab koi paband-e-salasil hoga

    Tal din main ne ye kah kah ke ziden bachpan ki

    aaina bhi koi shai hai jo muqabil hoga

    Dubne jaega shayad koi mayus visal

    majma-e-am suna hai lab-e-sahil hoga

    chaudhwan sal use deta hai muzhda 'alim'

    le mubarak ho ki ab tu mah-e-kaamil hoga

    Source
    • Book : Intekhab-e-Kuliyat Aalim Lucknowi (Pg. 260)
    • Author : Mirza Mohammad Yousuf
    • Publication : M. R. Publication (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY