aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

na guman rahne diya hai na yaqin rahne diya

Zafar Iqbal

na guman rahne diya hai na yaqin rahne diya

Zafar Iqbal

MORE BYZafar Iqbal

    na gumāñ rahne diyā hai na yaqīñ rahne diyā

    rāsta koī khulā ham ne nahīñ rahne diyā

    us ne TukḌoñ meñ bikherā huā thā mujh ko jahāñ

    uThāyā hai kahīñ se to kahīñ rahne diyā

    saj rahe the ye shab o roz kuchh aise tujh se

    ham ko duniyā pasand aa ga.ī diiñ rahne diyā

    ḳhud to bāġhī hue ham tujh se magar saath saath

    dil-e-rusvā ko tire zer-e-nagīñ rahne diyā

    jā-ba-jā is meñ bhī tere nishāñ the shāmil

    ham ne ik naqsh agar apne ta.iiñ rahne diyā

    ik ḳhabar thī jise zāhir na kiyā ham ne kabhī

    ik ḳhazāna thā jise zer-e-zamīñ rahne diyā

    ḳhud to bāhar hue ham ḳhāna-e-dil se lekin

    vo kisī ḳhvāb meñ thā us ko yahīñ rahne diyā

    āsmāñ se kabhī ham ne bhī utārā na use

    aur us ne bhī hameñ ḳhāk-nashīñ rahne diyā

    ham ne chheḌā nahīñ ashyā-e-mohabbat ko 'zafar'

    jo jahāñ par thī paḌī us ko vahīñ rahne diyā

    na guman rahne diya hai na yaqin rahne diya

    rasta koi khula hum ne nahin rahne diya

    us ne TukDon mein bikhera hua tha mujh ko jahan

    ja uThaya hai kahin se to kahin rahne diya

    saj rahe the ye shab o roz kuchh aise tujh se

    hum ko duniya hi pasand aa gai din rahne diya

    KHud to baghi hue hum tujh se magar sath hi sath

    dil-e-ruswa ko tere zer-e-nagin rahne diya

    ja-ba-ja is mein bhi tere hi nishan the shamil

    hum ne ek naqsh agar apne tain rahne diya

    ek KHabar thi jise zahir na kiya hum ne kabhi

    ek KHazana tha jise zer-e-zamin rahne diya

    KHud to bahar hue hum KHana-e-dil se lekin

    wo kisi KHwab mein tha us ko yahin rahne diya

    aasman se kabhi hum ne bhi utara na use

    aur us ne bhi hamein KHak-nashin rahne diya

    hum ne chheDa nahin ashya-e-mohabbat ko 'zafar'

    jo jahan par thi paDi us ko wahin rahne diya

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now