na ham-navā mire zauq-e-ḳhirām kā niklā
ye rāsta bhī usī narm-gām kā niklā
na.e guloñ kī sadā-e-shaguft tez huī
havā ke lams se rishta kalām kā niklā
musavvirī na sahī kaam aa.ī be-hunarī
koī bahāna to un se salām kā niklā
talāsh-e-rizq meñ nikle the mahr-e-sub.h liye
aqab se pahlā sitāra bhī shaam kā niklā
yahāñ bhī dhuup chalī aa.ī be-ḳhayālī kī
ye sā.ebān-e-tasavvur na kaam kā niklā
musāhiboñ kī tarah har qadam pe ḳhaar mile
mirā safar to baḌe ehtimām kā niklā
vahī shajar vahī patte vahī havā vahī aag
kalām-e-nau bhī mirā rañg-e-ām kā niklā
na ham-nawa mere zauq-e-KHiram ka nikla
ye rasta bhi usi narm-gam ka nikla
nae gulon ki sada-e-shaguft tez hui
hawa ke lams se rishta kalam ka nikla
musawwiri na sahi kaam aai be-hunari
koi bahana to un se salam ka nikla
talash-e-rizq mein nikle the mahr-e-subh liye
aqab se pahla sitara bhi sham ka nikla
yahan bhi dhup chali aai be-KHayali ki
ye saeban-e-tasawwur na kaam ka nikla
musahibon ki tarah har qadam pe KHar mile
mera safar to baDe ehtimam ka nikla
wahi shajar wahi patte wahi hawa wahi aag
kalam-e-nau bhi mera rang-e-am ka nikla
Source:
paalkii kahkashaa.n (Pg. 31)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
