na puchho ki qaem ka kya haal hai

na pūchho ki 'qā.em' kā kyā haal hai

kuchh ik Dher haDDiyoñ kā yā khaal hai

jo baiThe to hai rū-e-qālīñ kā naqsh

khaḌā ho to kāġhaz kī timsāl hai

khaTaktā hai pahlū meñ yuuñ ham-nashīñ

kahe to ye dil tiir kī bhaal hai

giraftār hai jo tirī zulf kā

vo har qaid se fāriġh-ul-bāl hai

uThā rauñd Daale ik aalim ke dil

bhalā shoḳh ye bhī koī chaal hai

ulajhtā hai jī shaiḳh kī riish dekh

vo sach hai misl baal janjāl hai

dhaḌakne kā dil par hai gaahe hujūm

gahe chashm girya kī pāmāl hai

ye goyā dar-e-daulat-e-ishq par

dil o diida sāmān ghaḌiyāl hai

ḳhush aa.ī hai 'qā.em' yahī gar zamīñ

to phir kah na mazmūñ kā kyā kaal hai

na puchho ki 'qaem' ka kya haal hai

kuchh ek Dher haDDiyon ka ya khaal hai

jo baiThe to hai ru-e-qalin ka naqsh

khaDa ho to kaghaz ki timsal hai

khaTakta hai pahlu mein yun ham-nashin

kahe to ye dil tir ki bhaal hai

giraftar hai jo teri zulf ka

wo har qaid se farigh-ul-baal hai

uTha raund Dale ek aalim ke dil

bhala shoKH ye bhi koi chaal hai

ulajhta hai ji shaiKH ki rish dekh

wo sach hai misl baal janjal hai

dhaDakne ka dil par hai gahe hujum

gahe chashm girya ki pamal hai

ye goya dar-e-daulat-e-ishq par

dil o dida saman ghaDiyal hai

KHush aai hai 'qaem' yahi gar zamin

to phir kah na mazmun ka kya kal hai