aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

na qahqaha na tabassum na ashk paiham hai

Aasi Aarwi

na qahqaha na tabassum na ashk paiham hai

Aasi Aarwi

MORE BYAasi Aarwi

    na qahqaha na tabassum na ashk paiham hai

    jahāñ pe ham haiñ vahāñ kuchh ajiib aalam hai

    jo pahle aaj se thā aaj bhī vahī ġham hai

    ye daur-e-jām nahīñ hai fareb-e-paiham hai

    burā na maano to ik baat tum se arz karūñ

    tumhārā lutf ba-andāza-e-sitam kam hai

    ye sub.h-o-shām mastī ye nashsha-e-shab-o-roz

    tire baġhair koī kaif ho mujhe sam hai

    sar-e-niyāz kabhī us ke sāmne na jhukā

    isī qusūr pe ham se zamāna barham hai

    hai baat baat pe hajv-e-subū-o-sāġhar-o-mai

    janāb-e-hazrat-e-vā.is se naak meñ dam hai

    nigāh-e-nāz ko taklīf-e-iltifāt na do

    ki ab to zaḳhm-e-jigar be-niyāz-e-marham hai

    ḳhatā zarūr koī us se bhī huī hogī

    ki āḳhir 'āsī'-e-ḳhasta bhī ibn-e-ādam hai

    na qahqaha na tabassum na ashk paiham hai

    jahan pe hum hain wahan kuchh ajib aalam hai

    jo pahle aaj se tha aaj bhi wahi gham hai

    ye daur-e-jam nahin hai fareb-e-paiham hai

    bura na mano to ek baat tum se arz karun

    tumhaara lutf ba-andaza-e-sitam kam hai

    ye subh-o-sham ki masti ye nashsha-e-shab-o-roz

    tere baghair koi kaif ho mujhe sam hai

    sar-e-niyaz kabhi us ke samne na jhuka

    isi qusur pe hum se zamana barham hai

    hai baat baat pe hajw-e-subu-o-saghar-o-mai

    janab-e-hazrat-e-wais se nak mein dam hai

    nigah-e-naz ko taklif-e-iltifat na do

    ki ab to zaKHm-e-jigar be-niyaz-e-marham hai

    KHata zarur koi us se bhi hui hogi

    ki aaKHir 'asi'-e-KHasta bhi ibn-e-adam hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now