na samaaton mein tapish ghule na nazar ko waqf-e-azab kar

na samā.atoñ meñ tapish ghule na nazar ko vaqf-e-azāb kar

jo sunā.ī de use chup sikhā jo dikhā.ī de use ḳhvāb kar

abhī muntashir na ho ajnabī na visāl-rut ke karam jatā

jo tirī talāsh meñ gum hue kabhī un dinoñ kā hisāb kar

mire sabr par koī ajr kyā mirī dopahar pe ye abr kyoñ

mujhe oḌhne de aziyyateñ mirī ādateñ na ḳharāb kar

kahīñ ābloñ ke bhañvar bajeñ kahīñ dhūp-rūp badan sajeñ

kabhī dil ko thal kā mizāj de kabhī chashm-e-tar ko chanāb kar

ye hujūm-e-shahr-e-sitam-garāñ na sunegā terī sadā kabhī

mirī hasratoñ ko suḳhan sunā mirī ḳhvāhishoñ se ḳhitāb kar

na samaaton mein tapish ghule na nazar ko waqf-e-azab kar

jo sunai de use chup sikha jo dikhai de use KHwab kar

abhi muntashir na ho ajnabi na visal-rut ke karam jata

jo teri talash mein gum hue kabhi un dinon ka hisab kar

mere sabr par koi ajr kya meri dopahar pe ye abr kyon

mujhe oDhne de aziyyaten meri aadaten na KHarab kar

kahin aablon ke bhanwar bajen kahin dhup-rup badan sajen

kabhi dil ko thal ka mizaj de kabhi chashm-e-tar ko chanab kar

ye hujum-e-shahr-e-sitam-garan na sunega teri sada kabhi

meri hasraton ko suKHan suna meri KHwahishon se KHitab kar