na sunti hai na kahna chahti hai
na suntī hai na kahnā chāhtī hai
havā ik raaz rahnā chāhtī hai
na jaane kyā samā.ī hai ki ab kī
nadī har samt bahnā chāhtī hai
sulagtī raah bhī vahshat ne chun lī
safar bhī pā-barahna chāhtī hai
ta.alluq kī ajab dīvāngī hai
ab us ke dukh bhī sahnā chāhtī hai
ujāle kī duāoñ kī chamak bhī
charāġh-e-shab meñ rahnā chāhtī hai
bhañvar meñ āñdhiyoñ meñ bādbāñ meñ
havā masrūf rahnā chāhtī hai
na sunti hai na kahna chahti hai
hawa ek raaz rahna chahti hai
na jaane kya samai hai ki ab ki
nadi har samt bahna chahti hai
sulagti rah bhi wahshat ne chun li
safar bhi pa-barahna chahti hai
talluq ki ajab diwangi hai
ab us ke dukh bhi sahna chahti hai
ujale ki duaon ki chamak bhi
charagh-e-shab mein rahna chahti hai
bhanwar mein aandhiyon mein baadban mein
hawa masruf rahna chahti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
