na to kaam rakhiye shikar se na to dil lagaiye sair se

na to kaam rakhiye shikār se na to dil lagā.iye sair se

bas ab aage hazrat-e-ishq-jī chale jā.iye ghar hī ko ḳhair se

vo jo guTkā paare kā muñh meñ le paḌe uḌte phirte haiñ jogī-jī

so to bhartpur se udaas ho chale aa.e qila-e-dair se

nahīñ hote aam ke rū-ba-rū hameñ qibla ḳhaas hai aarzū

ki ḳhudā kare paḌe guftugū kisī pīr-o-murshid-e-dair se

kaho kis vasīle se shaiḳh ke shak-o-shub.h hove kamāl meñ

ki jo ne.amat aap ko pahuñchī hai so miyāñ-ġhulām-zubair se

jo ḳhafā hue to hue ajī jo laḌe-bhiḌe to laḌe sahī

gila hai so yār-e-azīz se na ki shikva sūrat-e-ġhair se

mujhe ik hayāt dobāra de usī qudrat apnī se ai ḳhudā

ki ḳhitāb-e-fiqra-e-kam-libast kiyā thā jin ne uzair se

vo jo hai alī-e-valī vasī hai mohammad-e-arabī aḳhī

so tū abd-e-ḳhās-e-karīm hai use dushmanī hai nusair se

yahī chaal apnī hai 'inshā' ab kabhī to daraḳhtoñ se ḳhalte haiñ

kabhī hai sabā se ḳhitāb kuchh kabhī vahsh se kabhī tair se

na to kaam rakhiye shikar se na to dil lagaiye sair se

bas ab aage hazrat-e-ishq-ji chale jaiye ghar hi ko KHair se

wo jo guTka pare ka munh mein le paDe uDte phirte hain jogi-ji

so to bhartpur se udas ho chale aae qila-e-dair se

nahin hote aam ke ru-ba-ru hamein qibla KHas hai aarzu

ki KHuda kare paDe guftugu kisi pir-o-murshid-e-dair se

kaho kis wasile se shaiKH ke shak-o-shubh howe kamal mein

ki jo neamat aap ko pahunchi hai so miyan-ghulam-zubair se

jo KHafa hue to hue aji jo laDe-bhiDe to laDe sahi

gila hai so yar-e-aziz se na ki shikwa surat-e-ghair se

mujhe ek hayat dobara de usi qudrat apni se ai KHuda

ki KHitab-e-fiqra-e-kam-libast kiya tha jin ne uzair se

wo jo hai ali-e-wali wasi hai mohammad-e-arabi aKHi

so tu abd-e-KHas-e-karim hai use dushmani hai nusair se

yahi chaal apni hai 'insha' ab kabhi to daraKHton se KHalte hain

kabhi hai saba se KHitab kuchh kabhi wahsh se kabhi tair se