aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

na wo KHushbu hai gulon mein na KHalish Khaaron mein

Asad Ali Khan Qalaq

na wo KHushbu hai gulon mein na KHalish Khaaron mein

Asad Ali Khan Qalaq

MORE BYAsad Ali Khan Qalaq

    na vo ḳhushbū hai guloñ meñ na ḳhalish ḳhāroñ meñ

    ik tire aate ḳhaak uḌ ga.ī gulzāroñ meñ

    chashm-o-abrū-o-miza yaar haiñ darpai jaañ

    ek dil ghir gayā hai itne dil-āzāroñ meñ

    maraz-e-hijr se bachtā nahīñ be-dārū-e-vasl

    hai ye āzār baḌā ishq ke āzāroñ meñ

    tujh ko zebinda hai kyā sādgī aur rañgīnī

    ek trahdār hai laakh tarah-dāroñ meñ

    phir ga.ī merī nazar meñ mizha-o-chashm tirī

    dīda-e-ābla dekhā jo ghirā ḳhāroñ meñ

    be-gunāhoñ haiñ abrū-e-siyah tishna-ḳhūñ

    na.e jauhar nazar aa.e tirī talvāroñ meñ

    āshiq-e-ḳhāl-e-malīh apnā samajh kar bole

    ki hamāre ye qadīmī haiñ namak-ḳhvāroñ meñ

    nāvak-e-āh ne paidā rah-e-āmad-o-raft

    saikḌoñ ban ga.e dar yaar dīvāroñ meñ

    yūsuf-e-dil ko hasīnoñ se sivā samjhe aziiz

    pher detā ye DhiñDhorā koī bāzāroñ meñ

    naam rakhne bhī uTh jaa.e use kaifiyyat

    dam-bhar aa baiThe jo vaa.iz koī mai-ḳhvāroñ meñ

    āmad-e-fasl-e-bahārī jo hañgāma hai

    ġhul hai tauba-shikanī tire mai-ḳhvāroñ meñ

    'qalaq' itnī nahīñ har vaqt koī bach kartā

    aap bhī hazrat-e-dil ke haiñ taraf-dāroñ meñ

    na wo KHushbu hai gulon mein na KHalish KHaron mein

    ek tere aate hi KHak uD gai gulzaron mein

    chashm-o-abru-o-miza yar ki hain darpai jaan

    ek dil ghir gaya hai itne dil-azaron mein

    maraz-e-hijr se bachta nahin be-daru-e-wasl

    hai ye aazar baDa ishq ke aazaron mein

    tujh ko zebinda hai kya sadgi aur rangini

    ek trahdar hai tu lakh tarah-daron mein

    phir gai meri nazar mein mizha-o-chashm teri

    dida-e-abla dekha jo ghira KHaron mein

    be-gunahon ki hain abru-e-siyah tishna-KHun

    nae jauhar nazar aae teri talwaron mein

    aashiq-e-KHal-e-malih apna samajh kar bole

    ki hamare ye qadimi hain namak-KHwaron mein

    nawak-e-ah ne paida ki rah-e-amad-o-raft

    saikDon ban gae dar yar ki diwaron mein

    yusuf-e-dil ko hasinon se siwa samjhe aziz

    pher deta ye DhinDhora koi bazaron mein

    nam rakhne ki bhi uTh jae use kaifiyyat

    dam-bhar aa baiThe jo waiz koi mai-KHwaron mein

    aamad-e-fasl-e-bahaari ka jo hangama hai

    ghul hai tauba-shikani ka tere mai-KHwaron mein

    'qalaq' itni nahin har waqt koi bach karta

    aap bhi hazrat-e-dil ke hain taraf-daron mein

    Source:

    Mazhar-e-Ishq (Pg. e-119 p-117)

    • Author: Asad Ali Khan Qalaq
      • Edition: 1911
      • Publisher: Munshi Naval Kishor, Kanpur
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now