na-tawan wo hun nigahon mein sama hi na sakun

nā-tavāñ vo huuñ nigāhoñ meñ samā hī na sakūñ

bharūñ āñkhoñ meñ nazar sā nazar aa hī na sakūñ

dil jalānā hai to ai mehr jalā misl-e-kabāb

daaġh kuchh mohr nahīñ hai jo uThā hī na sakūñ

tah-e-shamshīr-e-do-dam ḳhush huuñ ye shīshe kī tarah

ek dam sañg-diloñ se maiñ banā hī na sakūñ

ham-nashīñ yaar ho kyā ye hai nasīboñ meñ firāq

joḌ a.azā ke bhī ukhḌeñ to biThā hī na sakūñ

ḳhud farāmosh huuñ aisā ki dil-e-be-ḳhud se

yaad us but kī bhulā.ūñ to bhulā hī na sakūñ

ḳhāma sā hai azalī sīna-figārī merī

zaḳhm-e-dil laakh silā.ūñ pa silā hī na sakūñ

dastaras kākul-e-ḳhamdār ye honā hī muhāl

ye vo nāgan hai jo hāthoñ pe khilā hī na sakūñ

nāznīñ ye hai ki ai 'shād' nazar-bāzoñ ko

kamar us kī jo dikhā.ūñ to dikhā hī na sakūñ

na-tawan wo hun nigahon mein sama hi na sakun

bharun aankhon mein nazar sa nazar aa hi na sakun

dil jalana hai to ai mehr jala misl-e-kabab

dagh kuchh mohr nahin hai jo uTha hi na sakun

tah-e-shamshir-e-do-dam KHush hun ye shishe ki tarah

ek dam sang-dilon se main bana hi na sakun

ham-nashin yar ho kya ye hai nasibon mein firaq

joD aaza ke bhi ukhDen to biTha hi na sakun

KHud faramosh hun aisa ki dil-e-be-KHud se

yaad us but ki bhulaun to bhula hi na sakun

KHama sa hai azali sina-figari meri

zaKHm-e-dil lakh silaun pa sila hi na sakun

dastaras kakul-e-KHamdar ye hona hi muhaal

ye wo nagan hai jo hathon pe khila hi na sakun

naznin ye hai ki ai 'shad' nazar-bazon ko

kamar us ki jo dikhaun to dikha hi na sakun