nala juz husn-e-talab ai sitam-ijad nahin

Mirza Ghalib

nala juz husn-e-talab ai sitam-ijad nahin

Mirza Ghalib

MORE BYMirza Ghalib

    naala juz husn-e-talab ai sitam-ījād nahīñ

    hai taqāzā-e-jafā shikva-e-bedād nahīñ

    ishq-o-mazdūri-e-ishrat-gah-e-ḳhusruv kyā ḳhuub

    ham ko taslīm niko-nāmi-e-farhād nahīñ

    kam nahīñ vo bhī ḳharābī meñ pa vus.at mālūm

    dasht meñ hai mujhe vo aish ki ghar yaad nahīñ

    ahl-e-bīnash ko hai tūfān-e-havādis maktab

    lutma-e-mauj kam-az saili-e-ustād nahīñ

    vaa.e mahrūmi-e-taslīm-o-badā hāl-e-vafā

    jāntā hai ki hameñ tāqat-e-faryād nahīñ

    rañg-e-tamkīn-e-gul-o-lālā pareshāñ kyuuñ hai

    gar charāġhān-e-sar-e-rah-guzar-e-bād nahīñ

    sabad-e-gul ke tale band kare hai gulchīñ

    muzhda ai murġh ki gulzār meñ sayyād nahīñ

    nafi se kartī hai isbāt tarāvish goyā

    hai jā-e-dahn us ko dam-e-ījād nahīñ

    kam nahīñ jalvagarī meñ tire kūche se bahisht

    yahī naqsha hai vale is qadar ābād nahīñ

    karte kis muñh se ho ġhurbat shikāyat 'ġhālib'

    tum ko be-mehri-e-yārān-e-vatan yaad nahīñ

    nala juz husn-e-talab ai sitam-ijad nahin

    hai taqaza-e-jafa shikwa-e-bedad nahin

    ishq-o-mazduri-e-ishrat-gah-e-KHusruw kya KHub

    hum ko taslim niko-nami-e-farhad nahin

    kam nahin wo bhi KHarabi mein pa wusat malum

    dasht mein hai mujhe wo aish ki ghar yaad nahin

    ahl-e-binash ko hai tufan-e-hawadis maktab

    lutma-e-mauj kam-az saili-e-ustad nahin

    wae mahrumi-e-taslim-o-bada haal-e-wafa

    jaanta hai ki hamein taqat-e-faryaad nahin

    rang-e-tamkin-e-gul-o-lala pareshan kyun hai

    gar charaghan-e-sar-e-rah-guzar-e-baad nahin

    sabad-e-gul ke tale band kare hai gulchin

    muzhda ai murgh ki gulzar mein sayyaad nahin

    nafi se karti hai isbaat tarawish goya

    di hai ja-e-dahn us ko dam-e-ijad nahin

    kam nahin jalwagari mein tere kuche se bahisht

    yahi naqsha hai wale is qadar aabaad nahin

    karte kis munh se ho ghurbat ki shikayat 'ghaalib'

    tum ko be-mehri-e-yaran-e-watan yaad nahin

    RECITATIONS

    Nomaan Shauque

    Nomaan Shauque

    Nomaan Shauque

    nala juz husn-e-talab ai sitam-ijad nahin Nomaan Shauque

    Source :
    • Book : Deewan-e-Ghalib Jadeed (Al-Maroof Ba Nuskha-e-Hameedia) (Pg. 281)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY