nam akbar to mera man ki dua ne rakkha

naam 'akbar' to mirā maañ kī duā ne rakkhā

haañ bharam us kā magar mere ḳhudā ne rakkhā

vo bhī din thā ki tire aane kā paiġhām aayā

tab mire ghar meñ qadam bād-e-sabā ne rakkhā

kis tarah logoñ ne māñgīñ thiiñ duā.eñ us kī

kuchh lihāz is kā na be-mehr havā ne rakkhā

aise hālāt meñ ik roz na jī sakte the

ham ko zinda tire paimān-e-vafā ne rakkhā

ittifāqāt ke pīchhe bhī haiñ asbāb-o-ilal

ik na ik apnā sabab dast-e-qazā ne rakkhā

jis ne rakkhā tirī miTtī huī qadroñ kā lihāz

kuchh ḳhayāl is kā nahīñ tū ne zamāne rakkhā

sirf 'akbar' hī nahīñ dekh ke tasvīr huā

sab ko hairāñ tire naqsh-e-kaf-e-pā ne rakkhā

nam 'akbar' to mera man ki dua ne rakkha

han bharam us ka magar mere KHuda ne rakkha

wo bhi din tha ki tere aane ka paigham aaya

tab mere ghar mein qadam baad-e-saba ne rakkha

kis tarah logon ne mangin thin duaen us ki

kuchh lihaz is ka na be-mehr hawa ne rakkha

aise haalat mein ek roz na ji sakte the

hum ko zinda tere paiman-e-wafa ne rakkha

ittifaqat ke pichhe bhi hain asbab-o-ilal

ek na ek apna sabab dast-e-qaza ne rakkha

jis ne rakkha teri miTti hui qadron ka lihaz

kuchh KHayal is ka nahin tu ne zamane rakkha

sirf 'akbar' hi nahin dekh ke taswir hua

sab ko hairan tere naqsh-e-kaf-e-pa ne rakkha