nasir kya kahta phirta hai kuchh na suno to behtar hai
'nāsir' kyā kahtā phirtā hai kuchh na suno to behtar hai
dīvāna hai dīvāne ke muñh na lago to behtar hai
kal jo thā vo aaj nahīñ jo aaj hai kal miT jā.egā
rūkhī-sūkhī jo mil jaa.e shukr karo to behtar hai
kal ye tāb-o-tavāñ na rahegī ThanDā ho jā.egā lahū
nām-e-ḳhudā ho javān abhī kuchh kar guzro to behtar hai
kyā jaane kyā rut badle hālāt kā koī Thiik nahīñ
ab ke safar meñ tum bhī hamāre saath chalo to behtar hai
kapḌe badal kar baal banā kar kahāñ chale ho kis ke liye
raat bahut kaalī hai 'nāsir' ghar meñ raho to behtar hai
'nasir' kya kahta phirta hai kuchh na suno to behtar hai
diwana hai diwane ke munh na lago to behtar hai
kal jo tha wo aaj nahin jo aaj hai kal miT jaega
rukhi-sukhi jo mil jae shukr karo to behtar hai
kal ye tab-o-tawan na rahegi ThanDa ho jaega lahu
nam-e-KHuda ho jawan abhi kuchh kar guzro to behtar hai
kya jaane kya rut badle haalat ka koi Thik nahin
ab ke safar mein tum bhi hamare sath chalo to behtar hai
kapDe badal kar baal bana kar kahan chale ho kis ke liye
raat bahut kali hai 'nasir' ghar mein raho to behtar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
