nafas ki aamad-o-shud ko wabaal kar ke bhi

nafas kī āmad-o-shud ko vabāl kar ke bhī

vo ḳhush nahīñ hai hamārā ye haal kar ke bhī

ajab thā nashsha-e-vāraftagī-e-vasl use

vo tāza-dam rahā mujh ko niDhāl kar ke bhī

hameñ aziiz hamesha rahī hai nisbat-e-ḳhāk

ye sar jhukā rahā kasb-e-kamāl kar ke bhī

lo ham na kahte the ham ko nahīñ umīd-e-javāb

lo ham ne dekh liyā hai savāl kar ke bhī

ye ek umr purānī sharāb hai yaaro

ḳhumār-e-hijr rahegā visāl kar ke bhī

usī ke naam kā sajda kiyā musalle par

usī kā zikr kiyā hai dhamāl kar ke bhī

sharāb dāna-e-añgūr se barābar khīñch

par ek kuuza kashīd-e-ḳhayāl kar ke bhī

nafas ki aamad-o-shud ko wabaal kar ke bhi

wo KHush nahin hai hamara ye haal kar ke bhi

ajab tha nashsha-e-waraftagi-e-wasl use

wo taza-dam raha mujh ko niDhaal kar ke bhi

hamein aziz hamesha rahi hai nisbat-e-KHak

ye sar jhuka raha kasb-e-kamal kar ke bhi

lo hum na kahte the hum ko nahin umid-e-jawab

lo hum ne dekh liya hai sawal kar ke bhi

ye ek umr purani sharab hai yaro

KHumar-e-hijr rahega visal kar ke bhi

usi ke nam ka sajda kiya musalle par

usi ka zikr kiya hai dhamal kar ke bhi

sharab dana-e-angur se barabar khinch

par ek kuza kashid-e-KHayal kar ke bhi