nahin ab rok paegi fasil-e-shahr pani ko
Interesting Fact
July 1994
nahīñ ab rok pā.egī fasīl-e-shahr paanī ko
bahā.e jā rahī hai raushnī kī lahr paanī ko
mujhe bhī surḳh kartī hai ye mash.al merī āñkhoñ kī
ki jaise sabz kartā hai ziyā kā zahr paanī ko
kisī be-nām sayyāre pe ab bhī abr chhāyā hai
tarastā hai ka.ī din se agarche dahr paanī ko
bahut itrā rahī hai mauj-e-sahrā apne hone par
ravāñ rakhtī ho jaise aaj bhī ye nahr paanī ko
nikalnā chāhtā hai qaid se jaise mashiyyat kī
pasand aayā nahīñ hai āsmānī qahr paanī ko
use vo raakh karne ke liye tayyār hai 'sājid'
muqayyad hī na rakkhegā faqat ye shahr paanī ko
nahin ab rok paegi fasil-e-shahr pani ko
bahae ja rahi hai raushni ki lahr pani ko
mujhe bhi surKH karti hai ye mashal meri aankhon ki
ki jaise sabz karta hai ziya ka zahr pani ko
kisi be-nam sayyare pe ab bhi abr chhaya hai
tarasta hai kai din se agarche dahr pani ko
bahut itra rahi hai mauj-e-sahra apne hone par
rawan rakhti ho jaise aaj bhi ye nahr pani ko
nikalna chahta hai qaid se jaise mashiyyat ki
pasand aaya nahin hai aasmani qahr pani ko
use wo rakh karne ke liye tayyar hai 'sajid'
muqayyad hi na rakkhega faqat ye shahr pani ko
Source:
Shabkhoon (Urdu Monthly) (Pg. 1463)
- Author: Shamsur Rahman Faruqi
-
- Edition: June December 2005áIssue No. 293 To 299âPart II
- Publisher: Shabkhoon Po. Box No.13, 313 rani Mandi Allahabad
- Year of Publication: June December 2005áIssue No. 293 To 299âPart II
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
