nahin ghar mein falak ke dil-kushai

nahīñ ghar meñ falak ke dil-kushā.ī

kahāñ hotī hai yahāñ merī samā.ī

kare jo bandagī so ho gunahgār

nyārī hai yahāñ kī kuchh ḳhudā.ī

zabah karne kuuñ nāhaq be-kasoñ ke

batā terī kamar ye kin kasā.ī

tum apnī baat ke raajā ho pyāre

kahīñ siiñ zid tumheñ ho hai sivā.ī

chaman kuuñ jiit aa.e naaz bū jab

tumhāre sabza-e-ḳhat niiñ harā.ī

sapīdī qand kī phīkī lagī jab

tumhāre rañg kī dekhī girā.ī

bahā ḳhūn-e-jigar añkhiyoñ señ pal pal

sajan bin raat ham kuuñ yuuñ bahā.ī

nahīñ Tikne kā paañv 'ābrū' kā

galī kī raah us ke haat aa.ī

nahin ghar mein falak ke dil-kushai

kahan hoti hai yahan meri samai

kare jo bandagi so ho gunahgar

nyari hai yahan ki kuchh KHudai

zabah karne kun nahaq be-kason ke

bata teri kamar ye kin kasai

tum apni baat ke raja ho pyare

kahin sin zid tumhein ho hai siwai

chaman kun jit aae naz bu jab

tumhaare sabza-e-KHat nin harai

sapidi qand ki phiki lagi jab

tumhaare rang ki dekhi girai

baha KHun-e-jigar ankhiyon sen pal pal

sajan bin raat hum kun yun bahai

nahin Tikne ka panw 'abru' ka

gali ki rah us ke hat aai