nahin milte shuur aansu bahate

nahīñ milte 'shu.ūr' aañsū bahāte

nazar aate haiñ hañste-muskurāte

vo ghanToñ baiThte haiñ dostoñ meñ

magar dekhā akele aate jaate

nikal jaate haiñ nā-mālūm jānib

vo gird-o-pesh se nazreñ bachāte

jise kahte haiñ log ummul-ḳhabā.is

rahe un ke usī se rishte-nāte

vo kyā jinnāt se karte haiñ bāteñ

unheñ paayā gayā hai budbudāte

uThā paa.e na apnā bojh bhī vo

bhalā kyā dūsroñ ke kaam aate

ayaañ thā be-ḳhudī se haal un kā

koī kyā pūchhtā vo kyā batāte

batā lete haiñ mausam har tarah kā

anādil bostāñ meñ rote gaate

'shu.ūr' aap aa.e haiñ milne sar-e-shām

hamāre paas hotī to pilāte

nahin milte 'shuur' aansu bahate

nazar aate hain hanste-muskuraate

wo ghanTon baiThte hain doston mein

magar dekha akele aate jate

nikal jate hain na-malum jaanib

wo gird-o-pesh se nazren bachate

jise kahte hain log ummul-KHabais

rahe un ke usi se rishte-nate

wo kya jinnat se karte hain baaten

unhen paya gaya hai budbudate

uTha pae na apna bojh bhi wo

bhala kya dusron ke kaam aate

ayan tha be-KHudi se haal un ka

koi kya puchhta wo kya batate

bata lete hain mausam har tarah ka

anadil bostan mein rote gate

'shuur' aap aae hain milne sar-e-sham

hamare pas hoti to pilate