nahin sahi mere nalon mein kuchh asar na sahi

nahīñ sahī mire nāloñ meñ kuchh asar na sahī

nazar kuchh aap kī bechain hai idhar na sahī

ham uljhanoñ meñ paḌe aql-e-nā-rasā le kar

vo aish-e-be-ḳhabarī ḳhuub thā ḳhabar na sahī

adā-faroshī-e-bāzār-e-tūr aur huzūr

ḳhabar yahī to hai mash.hūr mo'atabar na sahī

fidā ho tāb-e-basārat mirī basīrat par

nazar ne chun to liyā tāqat-e-nazar na sahī

pukārte haiñ ki guuñj is pukār kī rah jaa.e

duā duā to kahī jā.egī asar na sahī

hujūm-e-be-ḳhabarāñ hai bharī to hai mahfil

tumhārī bazm meñ 'rizvī'-e-bā-ḳhabar na sahī

nahin sahi mere nalon mein kuchh asar na sahi

nazar kuchh aap ki bechain hai idhar na sahi

hum uljhanon mein paDe aql-e-na-rasa le kar

wo aish-e-be-KHabari KHub tha KHabar na sahi

ada-faroshi-e-bazar-e-tur aur huzur

KHabar yahi to hai mashhur mo'atabar na sahi

fida ho tab-e-basarat meri basirat par

nazar ne chun to liya taqat-e-nazar na sahi

pukarte hain ki gunj is pukar ki rah jae

dua dua to kahi jaegi asar na sahi

hujum-e-be-KHabaran hai bhari to hai mahfil

tumhaari bazm mein 'rizwi'-e-ba-KHabar na sahi