nahin ye fikr koi rahbar-e-kaamil nahin milta

nahīñ ye fikr koī rahbar-e-kāmil nahīñ miltā

koī duniyā meñ mānūs-e-mizāj-e-dil nahīñ miltā

kabhī sāhil pe rah kar shauq tūfānoñ se Takrā.eñ

kabhī tūfāñ meñ rah kar fikr hai sāhil nahīñ miltā

ye aanā koī aanā hai ki bas rasman chale aa.e

ye milnā ḳhaak milnā hai ki dil se dil nahīñ miltā

shikasta-pā ko muzhda ḳhastagān-e-rāh ko muzhda

ki rahbar ko surāġh-e-jāda-e-manzil nahīñ miltā

vahāñ kitnoñ ko taḳht o taaj kā armāñ hai kyā kahiye

jahāñ saa.il ko aksar kāsa-e-sā.il nahīñ miltā

ye qatl-e-ām aur be-izn qatl-e-ām kyā kahiye

ye bismil kaise bismil haiñ jinheñ qātil nahīñ miltā

nahin ye fikr koi rahbar-e-kaamil nahin milta

koi duniya mein manus-e-mizaj-e-dil nahin milta

kabhi sahil pe rah kar shauq tufanon se Takraen

kabhi tufan mein rah kar fikr hai sahil nahin milta

ye aana koi aana hai ki bas rasman chale aae

ye milna KHak milna hai ki dil se dil nahin milta

shikasta-pa ko muzhda KHastagan-e-rah ko muzhda

ki rahbar ko suragh-e-jada-e-manzil nahin milta

wahan kitnon ko taKHt o taj ka arman hai kya kahiye

jahan sail ko aksar kasa-e-sail nahin milta

ye qatl-e-am aur be-izn qatl-e-am kya kahiye

ye bismil kaise bismil hain jinhen qatil nahin milta