aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nasim-e-subh-e-chaman se idhar nahin aati

Mushafi Ghulam Hamdani

nasim-e-subh-e-chaman se idhar nahin aati

Mushafi Ghulam Hamdani

MORE BYMushafi Ghulam Hamdani

    nasīm-e-sub.h-e-chaman se idhar nahīñ aatī

    hazār haif ki gul ḳhabar nahīñ aatī

    rakkhe hai ā.īna kyā muñh pe mere ai hamdam

    ki zindagī mujhe apnī nazar nahīñ aatī

    bhaTaktī phirtī hai lailā savār naaqe par

    jidhar hai vādī-e-majnūñ udhar nahīñ aatī

    kamar ko tirī parvā nahīñ hai kuchh us

    vagarna ja.ad to kab tā-kamar nahīñ aatī

    tirī shabīh mire sāmne khaḌī hai miyāñ

    hayā ke maare vale peshtar nahīñ aatī

    huā huuñ aah maiñ jis pur-ġhurūr par āshiq

    kanīz us kabhī mere ghar nahīñ aatī

    qalaq se hotī hai kuchh dil mere ye hālat

    ki niiñd raat ko do do pahar nahīñ aatī

    shab-e-visāl kab aatī hai mere ghar ai charḳh

    ki us ke pīchhe se dauḌī sahar nahīñ aatī

    gayā hai ġham mire naame ko le ke kuchh aisā

    ki aaj tak ḳhabar naama bar nahīñ aatī

    ḳhirām fitna-e-roz-e-jazā ba-īñ shoḳhī

    tire ḳhirām ke ohde se bar nahīñ aatī

    maiñ tark-e-ishq ko kahtā huuñ 'mus.hafī' tujh se

    ye baat dhyān meñ tere magar nahīñ aatī

    nasim-e-subh-e-chaman se idhar nahin aati

    hazar haif ki gul ki KHabar nahin aati

    rakkhe hai aaina kya munh pe mere ai hamdam

    ki zindagi mujhe apni nazar nahin aati

    bhaTakti phirti hai laila sawar naqe par

    jidhar hai wadi-e-majnun udhar nahin aati

    kamar hi ko teri parwa nahin hai kuchh us ki

    wagarna jad to kab ta-kamar nahin aati

    teri shabih mere samne khaDi hai miyan

    haya ke mare wale peshtar nahin aati

    hua hun aah main jis pur-ghurur par aashiq

    kaniz us ki kabhi mere ghar nahin aati

    qalaq se hoti hai kuchh dil ki mere ye haalat

    ki nind raat ko do do pahar nahin aati

    shab-e-visal kab aati hai mere ghar ai charKH

    ki us ke pichhe se dauDi sahar nahin aati

    gaya hai gham mere name ko le ke kuchh aisa

    ki aaj tak KHabar nama bar nahin aati

    KHiram fitna-e-roz-e-jaza ba-in shoKHi

    tere KHiram ke ohde se bar nahin aati

    main tark-e-ishq ko kahta hun 'mushafi' tujh se

    ye baat dhyan mein tere magar nahin aati

    Source:

    kulliyat-e-mas.hafii(divan-e-soom) (Pg. 276)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now