navā-e-shauq meñ shorish bhī hai qarār bhī hai
ḳhirad kā paas bhī ḳhvāboñ kā kārobār bhī hai
hazār baar bahāroñ ne dukh diyā mujh ko
na jaane kyā kyā hai bahāroñ kā intizār bhī hai
jahāñ meñ ho ga.ī nā-haq tirī jafā badnām
kuchh ahl-e-shauq ko dār-o-rasan se pyaar bhī hai
mire lahū meñ ab itnā bhī rañg kyā hotā
tarāz-e-shauq meñ aks-e-ruḳh-e-nigār bhī hai
mire safīne ko sāhil kī justujū hī nahīñ
sitam ye hai kisī tūfāñ kā intizār bhī hai
chaman hī ik nahīñ ā.īna merī mastī kā
gavāh josh-e-junūñ kī zabān-e-ḳhār bhī hai
ġhurūr-e-ishq ġhurūr-e-vafā ġhurūr-e-nazar
'surūr' tere gunāhoñ kā kuchh shumār bhī hai
nawa-e-shauq mein shorish bhi hai qarar bhi hai
KHirad ka pas bhi KHwabon ka karobar bhi hai
hazar bar bahaaron ne dukh diya mujh ko
na jaane kya kya hai bahaaron ka intizar bhi hai
jahan mein ho gai na-haq teri jafa badnam
kuchh ahl-e-shauq ko dar-o-rasan se pyar bhi hai
mere lahu mein ab itna bhi rang kya hota
taraaz-e-shauq mein aks-e-ruKH-e-nigar bhi hai
mere safine ko sahil ki justuju hi nahin
sitam ye hai kisi tufan ka intizar bhi hai
chaman hi ek nahin aaina meri masti ka
gawah josh-e-junun ki zaban-e-KHar bhi hai
ghurur-e-ishq ghurur-e-wafa ghurur-e-nazar
'surur' tere gunahon ka kuchh shumar bhi hai
Source:
Rooh-e-Ghazal,Pachas Sala Intekhab (Pg. 146)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.