naya suraj naya dariya nai kashti banate hain

nayā sūraj nayā dariyā na.ī kashtī banāte haiñ

na.ī tasvīr meñ duniyā zarā mailī banāte haiñ

zarā sā cute kar dete haiñ andeshoñ ke bhūtoñ ko

magar ummīd kī pariyāñ zarā ugly banāte haiñ

mukammal soch lete haiñ chalo is baar phir tujh ko

chalo is baar bhī sūrat tirī aadhī banāte haiñ

yaqīnī baat hai bātin kī tārīkī na kam hogī

tasallī ke liye zāhir ko nūrānī banāte haiñ

jahāñ ḳhvāboñ kā kambal oḌh kar sotī haiñ āvāzeñ

vahīñ rātoñ meñ kuchh dīvāne ḳhāmoshī banāte haiñ

vo kankar pheñkte haiñ jhiil meñ kyā soch kar 'sābir'

fanā karte haiñ ḳhud ko yā ki lā-sānī banāte haiñ

naya suraj naya dariya nai kashti banate hain

nai taswir mein duniya zara maili banate hain

zara sa cute kar dete hain andeshon ke bhuton ko

magar ummid ki pariyan zara ugly banate hain

mukammal soch lete hain chalo is bar phir tujh ko

chalo is bar bhi surat teri aadhi banate hain

yaqini baat hai baatin ki tariki na kam hogi

tasalli ke liye zahir ko nurani banate hain

jahan KHwabon ka kambal oDh kar soti hain aawazen

wahin raaton mein kuchh diwane KHamoshi banate hain

wo kankar phenkte hain jhil mein kya soch kar 'sabir'

fana karte hain KHud ko ya ki la-sani banate hain