nazar dekhte hain jigar dekhte hain

nazar dekhte haiñ jigar dekhte haiñ

tujhe har taraf jalva-gar dekhte haiñ

vo hañs kar adā se jidhar dekhte haiñ

zamāne ko zer-o-zabar dekhte haiñ

yahī haiñ jo ḳhud-bīniyāñ to tumhīñ ko

lagegī tumhārī nazar dekhte haiñ

rahī jab na paañv uThāne kī tāqat

khule aaj zindāñ ke dar dekhte haiñ

kahīñ aa bhī o sub.h-e-ummīd-e-ālam

tirī raah murġh-e-sahar dekhte haiñ

palaT kar vo aa.e haiñ mayyat se merī

yahī ḳhvāb ham raat bhar dekhte haiñ

jo mumkin nahīñ tere dar tak rasā.ī

to baiThe tirī rahguzar dekhte haiñ

kahīñ baaġh meñ gar bhaḌakte haiñ sho'le

to ghabrā ke ham bāl-o-par dekhte haiñ

chamakte haiñ jab āsmāñ par sitāre

to ham apne dāġh-e-jigar dekhte haiñ

nazar dekhte hain jigar dekhte hain

tujhe har taraf jalwa-gar dekhte hain

wo hans kar ada se jidhar dekhte hain

zamane ko zer-o-zabar dekhte hain

yahi hain jo KHud-biniyan to tumhin ko

lagegi tumhaari nazar dekhte hain

rahi jab na panw uThane ki taqat

khule aaj zindan ke dar dekhte hain

kahin aa bhi o subh-e-ummid-e-alam

teri rah murgh-e-sahar dekhte hain

palaT kar wo aae hain mayyat se meri

yahi KHwab hum raat bhar dekhte hain

jo mumkin nahin tere dar tak rasai

to baiThe teri rahguzar dekhte hain

kahin bagh mein gar bhaDakte hain sho'le

to ghabra ke hum baal-o-par dekhte hain

chamakte hain jab aasman par sitare

to hum apne dagh-e-jigar dekhte hain