aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nazar mila ke mere pas aa ke luT liya

Jigar Moradabadi

nazar mila ke mere pas aa ke luT liya

Jigar Moradabadi

MORE BYJigar Moradabadi

    nazar milā ke mire paas aa ke luuT liyā

    nazar haTī thī ki phir muskurā ke luuT liyā

    shikast-e-husn jalva dikhā ke luuT liyā

    nigāh nīchī kiye sar jhukā ke luuT liyā

    duhā.ī hai mire allāh duhā.ī hai

    kisī ne mujh se bhī mujh ko chhupā ke luuT liyā

    salām us pe ki jis ne uThā ke parda-e-dil

    mujhī meñ rah ke mujhī meñ samā ke luuT liyā

    unhīñ ke dil se koī us azmateñ pūchhe

    vo ek dil jise sab kuchh luTā ke luuT liyā

    yahāñ to ḳhud tirī hastī hai ishq ko darkār

    vo aur hoñge jinheñ muskurā ke luuT liyā

    ḳhushā vo jaan jise ga.ī amānat-e-ishq

    rahe vo dil jise apnā banā ke luuT liyā

    nigāh Daal jis par hasīn āñkhoñ ne

    use bhī husn-e-mujassam banā ke luuT liyā

    baḌe vo aa.e dil o jaañ ke lūTne vaale

    nazar se chheḌ diyā gudgudā ke luuT liyā

    rahā ḳharāb-e-mohabbat vo jise ne

    ḳhud apnā dard-e-mohabbat dikhā ke luuT liyā

    koī ye luuT to dekhe ki us ne jab chāhā

    tamām hastī-e-dil ko jagā ke luuT liyā

    karishmā-sāzi-e-husn-e-azal are tauba

    mirā ā.īna mujh ko dikhā ke luuT liyā

    na luTte ham magar un mast añkhḌiyoñ ne 'jigar'

    nazar bachāte hue DabDabā ke luuT liyā

    nazar mila ke mere pas aa ke luT liya

    nazar haTi thi ki phir muskura ke luT liya

    shikast-e-husn ka jalwa dikha ke luT liya

    nigah nichi kiye sar jhuka ke luT liya

    duhai hai mere allah ki duhai hai

    kisi ne mujh se bhi mujh ko chhupa ke luT liya

    salam us pe ki jis ne uTha ke parda-e-dil

    mujhi mein rah ke mujhi mein sama ke luT liya

    unhin ke dil se koi us ki azmaten puchhe

    wo ek dil jise sab kuchh luTa ke luT liya

    yahan to KHud teri hasti hai ishq ko darkar

    wo aur honge jinhen muskura ke luT liya

    KHusha wo jaan jise di gai amanat-e-ishq

    rahe wo dil jise apna bana ke luT liya

    nigah Dal di jis par hasin aankhon ne

    use bhi husn-e-mujassam bana ke luT liya

    baDe wo aae dil o jaan ke luTne wale

    nazar se chheD diya gudguda ke luT liya

    raha KHarab-e-mohabbat hi wo jise tu ne

    KHud apna dard-e-mohabbat dikha ke luT liya

    koi ye luT to dekhe ki us ne jab chaha

    tamam hasti-e-dil ko jaga ke luT liya

    karishma-sazi-e-husn-e-azal are tauba

    mera hi aaina mujh ko dikha ke luT liya

    na luTte hum magar un mast ankhDiyon ne 'jigar'

    nazar bachate hue DabDaba ke luT liya

    RECITATIONS

    Nomaan Shauque

    Nomaan Shauque,

    Nomaan Shauque

    nazar mila ke mere pas aa ke luT liya Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now