nigah-e-yar sun hasil hai mujh kun mai-noshi

nigāh-e-yār suuñ hāsil hai mujh kuuñ mai-noshī

lab-e-ḳhamosh ne baḳhshā hai us ke ḳhāmoshī

bajā hai gar kare āshiq kuuñ ek daur meñ mast

hai jām-e-chashm-e-sanam meñ sharāb-e-be-hoshī

kiyā hai shoḳh ne bar meñ qabā-e-nāfarmāñ

uduul kyuuñ na kare va.ada-e-ham-āġhoshī

sajan ke nāvak-e-mizhgāñ ke dil meñ haibat rakh

kiyā hai maiñ ne ye dariyā mane zirah-poshī

kiyā nahīñ huuñ raqam ḳhat maiñ is sabab 'dā.ūd'

maiñ nāma-bar suuñ kahā huuñ ki raaz hai goshī

nigah-e-yar sun hasil hai mujh kun mai-noshi

lab-e-KHamosh ne baKHsha hai us ke KHamoshi

baja hai gar kare aashiq kun ek daur mein mast

hai jam-e-chashm-e-sanam mein sharab-e-be-hoshi

kiya hai shoKH ne bar mein qaba-e-nafarman

udul kyun na kare wada-e-ham-aghoshi

sajan ke nawak-e-mizhgan ke dil mein haibat rakh

kiya hai main ne ye dariya mane zirah-poshi

kiya nahin hun raqam KHat main is sabab 'daud'

main nama-bar sun kaha hun ki raaz hai goshi