aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pai na koi manzil pahunchin na kahin rahen

Shaanul Haq Haqqi

pai na koi manzil pahunchin na kahin rahen

Shaanul Haq Haqqi

MORE BYShaanul Haq Haqqi

    paa.ī na koī manzil pahuñchīñ na kahīñ rāheñ

    bhaTkā ke rahīñ mujh ko āvāra guzargāheñ

    ālām-e-zamāna se chhūTeñ to tujhe chāheñ

    masrūf-e-mashaqqat haiñ hasrat se bharī bāñheñ

    sahrā se guzrī thiiñ khoī ga.iiñ jo rāheñ

    batlā.eñge ye chashme ye ban ye charāgāheñ

    shamshīr zad par haiñ kuchh aur hamīñ jaise

    hañgām-e-taqāzā kyā ai dil vo jise chāheñ

    kyā ruup badalte haiñ tasvīr meñ Dhalte haiñ

    āñkhoñ meñ ruke aañsū siine meñ dabī aa.heñ

    ab kaun kahe taarā TuuTā to kahāñ pahuñchā

    āzād har duniyā barbād sau rāheñ

    ab naam ġham-e-dil tasvīr o qalam tak hai

    tūfāñ ne safīnoñ meñ DhūñDī haiñ panah-gāheñ

    tash.hīr-e-junūñ kahiye zauq-e-suḳhan 'haqqī'

    arzāñ haiñ mire aañsū rusvā haiñ mirī aa.heñ

    pai na koi manzil pahunchin na kahin rahen

    bhaTka ke rahin mujh ko aawara guzargahen

    aalam-e-zamana se chhuTen to tujhe chahen

    masruf-e-mashaqqat hain hasrat se bhari banhen

    sahra hi se guzri thin khoi gain jo rahen

    batlaenge ye chashme ye ban ye charagahen

    shamshir ki zad par hain kuchh aur hamin jaise

    hangam-e-taqaza kya ai dil wo jise chahen

    kya rup badalte hain taswir mein Dhalte hain

    aankhon mein ruke aansu sine mein dabi aahen

    ab kaun kahe tara TuTa to kahan pahuncha

    aazad ki har duniya barbaad ki sau rahen

    ab nam gham-e-dil ka taswir o qalam tak hai

    tufan ne safinon mein DhunDi hain panah-gahen

    tashhir-e-junun kahiye ya zauq-e-suKHan 'haqqi'

    arzan hain mere aansu ruswa hain meri aahen

    Videos
    This video is playing from YouTube

    Videos
    This video is playing from YouTube

    Shaanul Haq Haqqi

    Shaanul Haq Haqqi

    Source:

    Pakistani Adab (Pg. 542)

    • Author: Dr. Rashid Amjad
      • Edition: 2009
      • Publisher: Pakistan Academy of Letters, Islambad, Pakistan
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now