paDh ke hairan hun KHabar aKHbar mein
paḌh ke hairāñ huuñ ḳhabar aḳhbār meñ
maiñ alif nañgā phirā bāzār meñ
mere andar kā darinda jaag uThā
chhup gayā maiñ dil ke andhe ġhaar meñ
ḳhuun pī kar bhī na sīdhī ho sakī
thā tirā hī bāñkpan talvār meñ
mere aage raat kī dīvār thī
koī darvāza na thā dīvār meñ
shā.erī meñ dhuul kyuuñ uḌne lagī
phuul kyuuñ khilte nahīñ ash.ār meñ
muft meñ 'alvī' ko shohrat mil ga.ī
aur ham pakḌe ga.e be-kār meñ
paDh ke hairan hun KHabar aKHbar mein
main alif nanga phira bazar mein
mere andar ka darinda jag uTha
chhup gaya main dil ke andhe ghaar mein
KHun pi kar bhi na sidhi ho saki
tha tera hi bankpan talwar mein
mere aage raat ki diwar thi
koi darwaza na tha diwar mein
shaeri mein dhul kyun uDne lagi
phul kyun khilte nahin ashaar mein
muft mein 'alwi' ko shohrat mil gai
aur hum pakDe gae be-kar mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
